"پاریس"و "مسکو"هارا؟"اردبیل"،"سراب" کجا؟

ببین تفاوت رَه از کجاست تا به کجا؟

اوروج-نامازیمی ترک ائیله دیم،بویور ساقی

کجاست دیر مغان و شراب ناب کجا؟

دئدی بو جمله نی بیر مَست،قاچدی مسجیددَن

سَماعِ وعظ کجا،نغمه ی رَباب کجا؟

گئدیردی مسجیدَه واعظ اونا دئدیم :قولاق آس

چراغِ مُرده کجا؟شمع آفتاب کجا؟

رئیسِ اوغرولارا سؤیله دی بیر اوغرو:کیشی

کجا رویم بفرما از این جناب کجا؟

او آروادین اری وار،دوشمَه آردینا گؤزله

کجا همی روی ای دل بدین شتاب کجا؟

بوراخدی آروادینی حافظ و اوتوردو دئدی

خود آن کرشمه کجا رفت و آن عتاب کجا؟

حرام مالی گؤرَنده اؤزمو اؤلدورَه رَم

قرار چیست؟صبوری کجا و خواب کجا؟

بیر قادین ائتدی شکایت قاضییَه

تا بوشانسین بلکه تئز گئتسین اَره

باشینا چکمیشدی بیر آغ چارشابی

گؤرسه نیردی گؤزلری پارلاق ، قَرَه

باخدی شورگؤز قاضییَه ،قاضی دئدی :

«قلبیمی آلدین آپاردین یکسره»!

دوتدو آرواد جانبین ، شرم ائتمه دی

حقی وئردی ظۆلمولَه اۏ دلبره

آنلادی بو ماجرانی اؤز اَری

چادرانی سالدی باشیندان یئره

گؤردو اۏ قاضی کی چیرکین دیر اۆزۆ

سؤیلَدی :منشی؛تئز اۏل؛یاز دفتره

«گؤزلرین مظلوم گؤزودور آی قادین

اوخشاییر آمما اۆزۆن ظالیم لَرَه

قوزادی بیر شخصی بیر لوطی کیشی

باشلادی باغلارایچینده پیس ایشی !

گؤردو واراوغلان بئلینده بیر پیچاق !

سؤیله لوطی:« نه دیر بو آی اوشاق»؟ !

سؤیله دی اوغلان اونا:«خنجر دی بو !

باش کسن ،شمشیر ِ نام آور‌ِ ِ دی بو !

باخسا پیس هرکس منه ای محترم !

بو پیچاقی قارنینا من دؤرترَم !

سؤیله دی :«شکر آللاها،رحمت منه !

باخمورام پیس گؤزله الان من سنه »!!

به ترکی رود:چای وکوه: داغ است

قودوق :کره خرو ائششک: الاغ است

پسر:اوغلان ،زن: آرواد،کاه: سامان است
گوزل: زیبا ،عسل:بال،بد:یامان است

بولاغ:چشمه است،سو:آب است ودست :ال
برو:گئت،یات :بخواب است وبیا:گل

بورون:بینی است،گوز:چشم است وکوک:چاق
اینک:گاوو کئچی بز،خاک :توپراق

دوداق:لب باشد وباشچی:رئیس است
قورو:خشک است،تر با یاش: خیس است

قویون:گوسفند،قازان:دیگ است وسر:باش
اریک:زردآلواست و فاسق:اویناش

قاش:ابرو باشد وتوک:مو،قولاق:گوش
دوشان :خرگوش می باشد،سیچان:موش

اولوم:مرگ ویئمک هم:چیزخوردن
آپارماق :بردن وسیخماق :فشردن

شکستن:سینماق وگستاخ:سیرتیق
جیریق:جرخورده وپاره است:ییرتیق

یوغورد:ماست وگوتوگئن:کون گشاداست
کم:آز وبوغدا:گندم،چوخ:زیاداست

قوپوز:سازی خوش و جاوید: سونمز
کسی که کرده کارزشت :دونمز

جوجوق:طفل وقوجاق:آغوش،قوجا:پیر
صاباح:فردا،گرسنه :آج وتوخ:سیر

دهات :کنداست وسردرگم :کاریخماق
کیشی :مرداست ودلتنگی:داریخماق

یاغیش :باران و صحرا:چول،صدا:سَس

دانیشما :لال شو، لطفا سَسین کس !

بولود :ابر و دومان :مِه،سنگ داش است

زبان :دیل است و گوج وورمَک :تلاش است

باجی :خواهر،آنا :مادر سویوق :سرد

زمستان :قیش می باشد،ساری :زرد

 باغ یاغیشدان دولاندا

بُستان،یارپاق سولاندا

چتین اولماز اوغرولوق

ایستکلی گؤزل یوردوم،قزوینه سلام اولسون !

من فرهادام اوشیرین،شیرینه سلام اولسون

قزوینه سلام اولسون

تاکستانا،الونده،آبیکه وتاکنده

هرکوچه یَه،هرکنده،

هردینه سلام اولسون

قزوینه سلام اولسون!

اوغلان،کیشی آروادا

هرکیمسه یَه،هرزادا

گؤزیوردو ضیابادا

کاسیبلرینه،پوللو،مسکینه سلام اولسون

قزوینه سلام اولسون!

جنت دی قاقازانی

داغ- داشلاری،هریانی

دشتابی،بوئین زهرا

خوشحال آداما،یورغون، غمگینه سلام اولسون

قزوینه سلام اولسون!

باقلاواسی لاپ شیرین

پسته سی دَه  اعلادیر

لندن دی باراجینی

خیامی اروپادیر

هربیرخیابانینداوار پینه سلام اولسون !

قزوینه سلام اولسون

قزوینه سلام اولسون!

ایران ایَه تقسیم اولور،اولسون نه ایشین وار

هر کیمسَه یَه تقدیم اولور اولسون نه ایشین وار

سَن احتکار ائیله،یی تویوق،جوجه کبابی

مین ایل ایَه تحریم اولور اولسون نه ایشین وار

قیشقرما،بوراخ کاخیده راحت گئجه یاتسین
راضی دئییلم اوغرولاری کیمسَه اویاتسین
قوی سئوگیلینه چونکو قاچیب خارجه چاتسین
چاپسین یییَه سیز مملکتی اؤزگه یَه ساتسین
ایران ایَه تقسیم اولور اولسون نه ایشین وار
هر کیمسَه یَه تقدیم اولور اولسون نه ایشین وار

س

سالما یادا راحتلیغی و اسکی زامانی
ائششک کیمین ایشله،ائله مَه شکوه فلانی
سَپمَه باشینا هی قارا توپراغی،سامانی
چوخداندی بوتون سئل آپاریب یاخچی-یامانی
ایران ایَه تقسیم اولور اولسون نه ایشین وار 
هر کیمسَه یَه تقدیم اولور اولسون نه ایشین وار

ترک ائیله غم و غصّه نی و فکر و خیالی
فیکر ائیله کی اوضاع اولوب ایستَکلی و عالی
لطف ائیله بوراخ بحث و جدل،قال مقالی
آخیر سَنَه نه کی "دلار" اؤلدوردو "ریالی"
ایران ایَه تقسیم اولور اولسون نه ایشین وار
هر کیمسَه یَه تقدیم اولور اولسون نه ایشین وار

آغلاردی ائشیتدیم بو سؤزو "حاجی صفر"دَن
آجام اؤلورَم غصّه ایله درد کمردَن
یاندی اؤره ییم چونکو ائشیتدیم بو خبردَن:
ایرانین اوزولدو الی دریای خزردَن
ایران ایَه تقسیم اولور اولسون نه ایشین وار
هر کیمسَه یَه تقدیم اولور اولسون نه ایشین وار

ای خوش او گونلر کی بیز آزادیدیک 
پول واریدی ، قیزلارینان شادیدیک !
صاحب سرمایه و هر زادیدیک !
گونلریمیز شادیدی ، آرامیدی !
       « آخ نئجه کئف چکملی ایّامید ی »

یوخلوق الیندَن یوخودو هئچ گله !
شاکی دگیلدی آج آدام بیر بئله !
ائـتدی حرام مال بیزی لاپ حامله !
آخماق آدام غرق در اوهامیدی !
          «آخ نئجه کئف چکملی ایّامیدی»

بیزلر ائلردیک هامی وقت اختلاس 
ملتمیزده یوخودو هئچ حواس !
قؤزامیشیق دؤرت کامیون اسکناس !
آفتابه اوغرولاری بد نامیدی !
«آخ نئجه کئف چکملی ایّامیدی»

جامعه ده ظاهریمیز چوخ گؤزل
باطنمیز ساحه سی ، چیرکین ، دغل !
اوغرو آداملار ، هامی میز مبتذل !
ساققالیمیز مظهر اسلامید ی !
           «آخ نئجه کئف چکملی ایّامیدی»


قاچدیق اگر هر بیریمیز بیر یانا !
گلدی قدَر دولتیمیز میدانا !
دوتدی بیزی ایندی سالوب زیندانا !
کِئشگه بیزیم دولتیمیز خامیدی !
                «آخ نئجه کئف چکملی ایّامیدی»

ای "حاجی سلیمان" گئنه آماده ی جنگ اول

گئت مکّه یَه،تزویر ائله،اسطوره یِ ننگ اول

شُرطَه سَنی تعقیب ائله دی،دورما،دایانما

بَرک ساخلا گؤتو وئرمَه بادا گؤزله،زرنگ اول

دوتدون عربی سیک،سیکین اولسون برکتلی

یاتمیش تویوق اولما عرب آلتیندا،پلنگ اول

مَندن ائشیدیرسَن پولو وئرمَه بلیت آلما

وئر آجلارا،خیرات ائله بیر شخصِ قشنگ اول

اوغرو داداش ملته خدمت ائله

مملکتی لطف ائله،غارت ائله

تَرک ائله مه اوغرولوغو،چاپماغی
اوغرولاری آمما نصیحت ائله

بویونو یوغون اوغرولاری دوز یولا
جمع ده،مجلس ده هدایت ائله

تاپدون اگروقت دره-تپه دن،
اوینابیر آز فیلم شکایت  ائله

بیردن آپارما دکلی،کشتی نی
آزآز آپار، رسمی رعایت ائله

ببرالی اگری آدامی تاپ،قیزین
ائیله نیشان سونراسی وصلت ائله

ورد زبان ائیله یالان سوزلری
مسجده گئت قبله وی ثروت ائله

چون اله آلدین تریبون هی جیغیر
اوغرولاری دانلا،ملامت ائله

خلقه یالان سات دی: گئدین دؤز یولا !
اوغرولاراعرض ارادت ائله

دولدون حسابین بلیت آل بیرگئجه
انگلیسه،آلمانا هجرت ائله