گئدیب منّت چکیر پیوسته قاسم

آلوب گؤل آروادامین دسته قاسم !

باریشمازآروادی وار،کؤسموش اوندان
داهایورغون اولوبدورخسته قاسم

قاریشدی آسیای غرب واورتا!

باهالاشدی تویوق،چای، ات،یومورتا!

ائدیبدیرسکته ایراندا اوجوزلوق!

یازیق میللت دوشوبدور زارت وزورتا!

 ----------------------------------

هلو صادر اولور قزوین،کرج دَن!

اوغورلوب وارلی اینسان کور،فلج دَن!

اوجاسسله دئییردی یونجالیغدا:

«سکینه دویمادی حاجی فرج دَن»!

 -------------------------------

کنیزی ،فرشی ،فراشی آپاردی!

آغاجی،توپراغی،داشی آپاردی!

قوناق اولدوبیزه،بیر مومن انسان

گئدنده بشقابی،آشی آپاردی!

 -------------------------------

ایش اوسته پارتلادیم، جانیم جیریلدی!

حقوقوم آی باشینداچون وئریلدی،

اوزاندیم استیجاری ائوه،قونشوم

بئله اوستوردوکی باغریم قیریلدی!!

غارته همت ائدیب،بئل باغلادی

چاپدی خالقی،چوخ اؤرکلرداغلادی

قوردایله هم سؤفره اؤلدو مش حسن
ال-بویون آمماچوبانلا آغلادی

علسگر آی علسگر آی علسگر !

اویان باخ گؤر اولوبدور دونیا محشر

گئدیر دکتر یانینا ماده «منظر»

چیخیر ایککی ساعات اوندان سورا نر!!

رقیب زشت ایلن هم صحبت اولما

اونون ویرانه سینده رویت اولما

یاشیم هرچند آتمیش بش اولوبدور

سنی من ایستیرم،ناراحت اولما !

دوداغلاری دولوب قند ونباتدان!
گؤزل اندامی معنای حیاتدان!
دوداغیندان دئدیم کی:«بیراؤپوش وئر»
دئدی:«هرگزکام آلمازائششک آتدان»!!

دئدیم حاجی غلاما:" قار یاغاندا

یئی هئیوا،نار،شاماما قار یاغاندا

ائشیک قارلی،دومانلی،لاپ سویوق دور

قال ائوده،گئت حاماما قار یاغاندا"