اشعار ترکی علیرضارضائی

کل اوغلان

یوخسول اینسان بازارچادا


یوخسول اینسان بازارچادا

میوه لَرَه باخدی گئتدی !

 

میوَه قیمتی اؤد کیمین !

 اؤره گینی یاخدی گئتدی !

 

ایلدیریم تَک غملَر گَلدی

 وار؛یؤخونا شاخدی گئتدی

 

غصّه بوکولمیش بئلینه

 قیلینجینی تاخدی گئتدی

 

باهالیقدان قان آغلادی

 گؤز یاشلاری آخدی گئتدی

آردینی اوخو
دوشنبه 28 بهمن 1398
بؤلوملر : شعر طنز ترکی,

یالنیزلیغی آت،گل قوجاغیما

یالنیزلیغی آت،گل قوجاغیما

بولودلارکیمین گل سراغیما

گئجه یاواشجاگل اتاغیما

عاشیغام سنه،بوراخمام سنی

 

باخمایادلارا،باخمادؤشمنه

قوی خراب اولوم،یاپیشیم سنه

ایستی بدنین باغیشلامنه

آپارگؤیلرَه،مست ائله منی

 

قوی چاخیرایچیم دوداغلاریندان

الیندَن اؤپوم،آیاغلاریندان

اوددوتوم یانیم یاناغلاریندان

گؤزوندَن سیلیم دومانی،چَنی

 

بوتون دونیانی آبادائیله رَم

باغلی ملتی آزادائیله رَم

آغلاراؤزلری لاپ شادائیله رَم

اؤرگین اولسا قلبیم مسکنی 

آردینی اوخو
یکشنبه 27 بهمن 1398
بؤلوملر : شعر عاشقانه ترکی,

هی دئمه،هی سوروشما


هی دئمه،هی سوروشما

هارانی سئل آپاردی !


ساری نی،آغی،گؤیی

قارانی سئل آپاردی !


یوخسولو تالان ائتدی

دارانی سئل آپاردی !


آرامیز لاپ قاریشدی

آرانی سئل آپاردی


ارزشی یوخدورداها

پارانی سئل آپاردی !


آپاردی خان چوبانی 
سارانی سئل آپاردی

آردینی اوخو
پنجشنبه 24 بهمن 1398
بؤلوملر : شعر طنز ترکی,

نییه بواتفاق شوم دوشدو

نییه بواتفاق شوم دوشدو

نییه قازماق باداگئتدی قازان دان؟

خروزلاریوخلاییبلارکندیمیزده

نییه قارداش خبریوخدوراذان دان ؟

نییه ملت اولوب اوغرو،یالانچی

نییه یاددان چیخیب صلح وصداقت؟

نییه یالقیزدیلاردایم ار-آرواد؟

نییه افسانه دی عشق ومحبت ؟


نییه دونیادابیرمجنون تاپیلمیر؟

نییه عاشق ده اصلا دردوغم یوخ ؟

نییه لیلی گورونموردوره میزده

نییه افسانه دی اصلی،کرم یوخ ؟


گونش چیخدی،گئنه ایستی اوجالدی

گئنه سئومک دن ای جان ائیله صحبت

اکینجی لراکیربوغداگئنه سن

محبت اک،محبت اک،محبت

آردینی اوخو
دوشنبه 21 بهمن 1398
بؤلوملر : شعر طنز ترکی,

ایران بیرایستگاه دیرازَلد َن اونا


ایران بیرایستگاه دیرازَلد َن اونا

هی گلیرلرقاطارقاطاراوغرولار

 

ایشلری پول قوزاماق  دیر،اولوبلار

شعورسوزملته سواراوغرولار

 

اوغرولارین آدی گاهدان فرق ائدیر

بیریسی گؤزل دیر،بیریسی زای دیر

 

بیری«حاجی حسن»،بیر«مش باقر»

بیریسی چیرکین دیر،بیریسی آی دیر

 

آلدادیرلارخالقی یالان سؤزلرله

شیطان کیمین آزدیرلارملتی

 

هرنه سؤیله ییرلرکؤک دَن یالان دیر

یازدیغلاری،مراملاری ایرتی

 

اوغرولوق درسینی مدرسه لردَه

اویرَنیرلرفصیل فصیل اوغرولار

 

آدیم آدیم یازدیم گل،اوخو،اؤیرَن

ایران یانی:نسیل نسیل اوغرولار

آردینی اوخو
یکشنبه 20 بهمن 1398
بؤلوملر : شعر طنز ترکی,

آشیخ بویور کی نه جور

آشیخ بویور کی نه جور

افکاریوی آسدیراق

سَنی اؤلندَن سورا

گیزلین هاردا باسدیراق

◾️◾️◾️

قورخورام قبر ایچیندَه

بوراخماسان میللتی

دوربین قویوب،گؤزله رسن

«سارانی»،«مَش همّتی»

◾️◾️◾️

ایرانین بئلی سینیب

میللت اولور آجیندان

لطف ائله گل آشاغی

ریاست آغاجیندان

◾️◾️◾️

بیر ایش گؤر اؤزگۆر قالسین

ایران بادا گئتمه َسین

آبادانلیق،آداملیق

ایرانی ترک ائتمَه سین

◾️◾️◾️

بونو بیل گلن نسیل

یاخشی−یامانی بیلر

آبادلیق،ویرانلیغی

سنین گؤزوندن گؤرَر

◾️◾️◾️

قاچ گل قاتیل میللتَه

دور،اوتور، ورزش ائله

باسما باشین دوورا

بیر آز دا نرمش ائله


آردینی اوخو
جمعه 18 بهمن 1398
بؤلوملر : شعر طنز ترکی,

هر کئچی ارکک اولماز

هر کئچی ارکک اولماز

هر آدام دلقک اولماز

ساققال چوخالسا اوغلوم

یون اولار، پشمک اولماز

آردینی اوخو
چهارشنبه 16 بهمن 1398
بؤلوملر : بایاتیلار,

من دئمیرم آلما آل

من دئمیرم آلما آل

گرمک، قووون،آلما آل

انسانلاری چاشدیرار

هئی سؤیله مک،آلماآل

آردینی اوخو
چهارشنبه 16 بهمن 1398
بؤلوملر : بایاتیلار,

گؤنّش ایشیق ساچمادی

گؤنّش ایشیق ساچمادی

قارانلیقلار قاچمادی

یار گَلمه دی قرارا

پنجره نی آچمادی

آردینی اوخو
سه شنبه 15 بهمن 1398
بؤلوملر : بایاتیلار,

توکلری لاپ آغاردی

توکلری لاپ آغاردی!

شادگؤنلری قوتاردی!

ائولندی«حاجی حسن»

قوردقوزونوآپاردی!!

آردینی اوخو
دوشنبه 14 بهمن 1398
بؤلوملر : بایاتیلار,