تهرانا گئتمه هاوا آلوده دیر

یازار : علیرضارضائی

+0

تهرانا گئتمه هاوا آلوده دیر
هر یانا باخسان قارانلیق،دۇده دیر

یۏخسۇل آجدیر بیرعدد شالواری یۏخ!
تۏخ آدام راحت یاتیب،آسوده دیر

وار‌لییا ‌سۆد دریاسیندا خوش کئچیر
آج آدامین وارلیغی بیهوده دیر!

دۆز آدامین سؤزلری حَنظل کیمین!
اۏغرۇلارین سؤزلری فالوده دیر!

اۏغرۇنون هر بیر جیبینده میلیارد
بینوانین کله سینده تۇده دیر!

قالسا تهراندا هراینسان معده سی،
آغ جیگر،عقلی،گؤزو فرسوده دیر!

تهرانین هراتوبانی،هریۏلۇ
بیر اۇزۇن،آلوده،فاسد روده دیر!

وارلی تهرانی بوراخماز چونکۆ او
غرق پول وارزش افزوده دیر!

خلق دَه انصاف یۏخ،تبعیض چۏخ!
تهرانین بنیانی بو شالوده دیر!

تهرانا قویما آیاق زیرا کثیف!
یۏل کسن لر شهری اۏ محدوده دیر!

AAAAAEBoUjurpLwPQa5fCQ

turkcetanzler@


تولوق دئدین مَشکه سَن

یازار : علیرضارضائی

+0

تولوق دئدین مَشکه سَن

قوروت دئدین کشکه سَن

آرواد آلیب قوجالدین

آلماسایدین کئشکه سَن

AAAAAEBoUjurpLwPQa5fCQ

turkcetanzler@



جۆجه،تۏیۇق،رانا اَلیم چاتمادی

یازار : علیرضارضائی

+0
جۆجه،تۏیۇق،رانا اَلیم چاتمادی ! 
دلبر جانانا اَلیم چاتمادی! 

رشوه نی وئردیم گؤزل افسرلره! 
چۆنکۆ گرۇهبانا الیم چاتمادی! 

لۆت گزیرم کۆچه ده مجنون کیمین ! 
بیر پارا تومّانا اَلیم چاتمادی !


تۇتدۇم اۏرۇج،کعبه ده قیلدیم ناماز !
آللاها،ایمانا اَلیم چاتمادی! 

میزی سئون حاکمی گئتدیم گؤرۆم
قاپییا، دربانا اَلیم چاتمادی ! 

گلدی یۇخۇما «حاجی اکبر » دئدی : 
 !« حوریا،قیلمانا اَلیم چاتمادی » 

سن هله مین مۆفته «پرادو»لاری 
دنده یه،فرمانا اَلیم چاتمادی! 

شیطانا درس اؤیره‌دیرسن،هئی دئمه
ایزد سبحانا الیم چاتمادی ! 

سۆفره قیراغیندا اۏتۇردۇم ، ولی
قیمه ، فیسنجانا الیم چاتمادی ! 

دیش وئریب آرپا چورگین وئرمَدی 
صاحب دندانا اَلیم چاتمادی ! 

قیسمتم اۏلدۇ قۇرۇ حسرت یئمَک
باغا ، گۆلستانا الیم چاتمادی ! 

تاکی سیزین وارلیقیزی یۆکله‌یم
پیکانا ، نیسانا اَلیم چاتمادی !

قۏیمادیلارکی اؤزۆمۆ اؤلدۆرۆم
نقطه ی پایانا اَلیم چاتمادی !!

AAAAAEBoUjurpLwPQa5fCQ 

 

turkcetanzler@

 



دئدیم او قاش قلمَه

یازار : علیرضارضائی

+0
دئدیم او قاش قلمَه
وصفین گلمَز قلمَه
اؤره ییمدَه آغاج تک
عشقین ووروب قلمَه

 

AAAAAEBoUjurpLwPQa5fCQ 

 

turkcetanzler@

 

 

 


کیشی ایشدن یورولماز

یازار : علیرضارضائی

+0

کیشی  ایشدن یورولماز
ایشله سه روحوسولماز

یوک داشیماق راحت دیر
دردی داشیماق اولماز

AAAAAEBoUjurpLwPQa5fCQ

turkcetanzler@


یارپاغدان کفن اولماز

یازار : علیرضارضائی

+0

یارپاغدان کفن اولماز
داشلیغدان چمن اولماز
هر قَدَر گؤزل اولسا
غریبلیک وطن اولماز
Yarpaqdan kəfən olmaz
Daşlıqdan çəmən olmaz
Hər qədər gözəl olsa
Qəriblik vətən olmaz

AAAAAEBoUjurpLwPQa5fCQ

turkcetanzler@


اوچماق چیخیب یادیمدان

یازار : علیرضارضائی

+0
اوچماق چیخیب یادیمدان
درد یاغیر فریادیمدان
 
بیر توتساق گؤیَرچینم
قان آخیر قانادیمدان
 

AAAAAEBoUjurpLwPQa5fCQ

turkcetanzler@


باغلاییب جانا دیلی

یازار : علیرضارضائی

+0
باغلاییب  جانا دیلی
اؤیرَدیب آنا دیلی 
 
اؤزگه دیلدَن دیل اولماز
یاشاسین آنا دیلی

AAAAAEBoUjurpLwPQa5fCQ

turkcetanzler@


من اؤلدوم قبری سوپور

یازار : علیرضارضائی

+0
من اؤلدوم قبری سوپور
غم،غصّه لره توپور
 
شراب گئتیر یو منی
اؤلومو یئردن گؤتور
 

AAAAAEBoUjurpLwPQa5fCQ

turkcetanzler@


هرکیم ایستیر اؤزۆنۆ سرور ایّام ائله سین

یازار : علیرضارضائی

+0

هرکیم ایستیر اؤزۆنۆ سرور ایّام ائله سین

باشلارا شیره یاخیب،خلقی گرک خام ائله سین

 

عاشیق،  میز و مقامات بیزه ثابت اولوب

گرچه کافردی گرک دعوی اسلام ائله سین

 

آدام اۏلماز، حَجَه تشریف آپاران ائششک آدام

کعبه دَه سجده و مین یۏل اگر احرام ائله سین

 

ایسته سَه عارف دۏران اۏلا هر کیم شک یوخ

دَله ایتلر کیمی نفسینی گرک رام ائله سین

 

منتقد کیم دی؟:بیرآلچاق بۏی آدام کی ایستر

شاعری خلقین ایچینده بد و بدنام ائله سین

 

دوزآدام واجب اولوب بانکاگئدیب،اوغرولارا

باش اَییب،رۆشوه وئریب،هی طلب وام ائله سین

 

بینوا شیشه چکیر،باده ایچیر شاعیریمیز

تاکی بیرثانیه ترک غم ایام ائله سین

  AAAAAEBoUjurpLwPQa5fCQ

 


  • [ 1 ][ 2 ][ 3 ][ 4 ][ 5 ][ .. ][ 25 ]