اله آلدیم قلمی تا منه حرمت گتیره

یازار : علیرضارضائی

+0

اله آلدیم قلمی تا منه حرمت گتیره
بیلمه‌دیم آجلیغی،یوخسللوغو،ذلت گتیره !


الی بوش قالمیشام وعاقبتیم ناخوش دور
قلمی ساتمامیشام تا منه ثروت گتیره !


انتقاد ائتمک ایله آرتیق اولوب دشمن‌لر
کیم دئییب‌ کی قلم اؤز اهلینه دولت گیتره؟!

یازمایام تا که اونون عیبینی،زاهد گئتدی 
آغزیمی باغلاماغاحوری جنّت گتیره !!

ملتین دردینی شعرینده یازان شاعیردیر
خلقه عزت ائله‌ین شاعیره عزّت گتیره 

 شعر یازدیم که بوشالسین اوره‌ییم غملردن
یازمادیم شعری کی  بیر گون منه شهرت گتیره !


turkcetanzler@


ائشیتدیم بیر دول آروادی «مش اکبر

یازار : علیرضارضائی

+0

ائشیتدیم بیر دول آروادی «مش اکبر»

دوتوب کندودالیندا اؤپدو باری !

 

گوروبدور بیر یامان ایش قورخوسوندان

پارا شالوارینی چکدی یوخاری !

 

به محض اینکه قاچدی فاسق اینسان

بوراخدی آروادی اولدو فراری !

 

بو بیتی یازدی او آرواد دووارا

بونو «سعدی » بویورموش یادگاری :

 

«ثوابی چوخدورآی تازا جاوانلار

چاتار اومیدا گر امیّدواری »!


دوغدولار دولدو دونیا

یازار : علیرضارضائی

+0

دوغدولار دولدو دونیا
سارالیب ، سولدو دونیا!

نفس چکه بیلمه ییر!
باساباس اولدو دونیا!


bayatilaar@


اوستورا مسجد ده گر وارلی آدام

یازار : علیرضارضائی

+0

اوستورا مسجد ده گر وارلی آدام

سؤیله یرلر خالق :« رحمتلر سنه »!

 

اؤسکوره اوردا اگر یوخسول آدام

هی دئیرلر :« آی لعنتلر سنه »!

 

آی پول ! الله دئیل سن پس نه سن ؟

باش ایَردونیادا ملتلر سنه ؟!


turkcetanzler@


بوسه:اؤپؤش وفروبکن:تاخ

یازار : علیرضارضائی

+0

 بوسه:اؤپؤش وفروبکن:تاخ!

آغوش:قوجاق،دلیک :سوراخ!

 

باسماق:چپاندن است ورخ:اؤز!

انسان درست وراستگو:دؤز!

 

پالتار:لباس وکفش:باشماق!

یانلیش :غلط است وسهو:چاشماق!

 

آرواد:رِِِِِِییس خانواده!

آخماق:سفیه وگول وساده!

 

خر:ائششک وگاو:اینک،کئچی بُز!

قارقاست کلاغ وخوک:دونقوز!

 

گئن:هست گشادودار:تنگ است!

دشنام:سؤیؤش،ساواش:جنگ است!

 

قاچماق:گریختن،فراراست!

پاییزبه ترکی :سون باهاراست!

 

بازار:یالانچی لاردوراغی!

ایستگاه :دوراق ودزد:یاغی!

 

نزدیک:یاخین ودور:اوزاق است!

بی غیرت آدام:ساری قولاق است!

 

کشتی:گمی ویالان :سیاست!

باشقان:رئیس وتالان:ریاست!

 

اوغلان :پسروگؤلؤش:لبخند!

نقره:گؤمؤش است واوغرو:کارمند!

 

کوزه است تیلیک ویارما:بلغور!

می ایست،مرو،بلندشو:دور!

 

ماست است یوغوردودوغ:آیران!

ماهنی است:نرانه وچؤرک:نان!

 

در:قاپی وباغلاماق:بستن!

معنای آتیلماق است:جستن!


turkcetanzler@


یالنیزلیغی آت،گل قوجاغیما

یازار : علیرضارضائی

+0

یالنیزلیغی آت،گل قوجاغیما

بولودلارکیمین گل سراغیما

گئجه یاواشجاگل اتاغیما

عاشیغام سنه،بوراخمام سنی

 

باخمایادلارا،باخمادؤشمنه

قوی خراب اولوم،یاپیشیم سنه

ایستی بدنین باغیشلامنه

آپارگؤیلرَه،مست ائله منی

 

قوی چاخیرایچیم دوداغلاریندان

الیندَن اؤپوم،آیاغلاریندان

اوددوتوم یانیم یاناغلاریندان

گؤزوندَن سیلیم دومانی،چَنی

 

بوتون دونیانی آبادائیله رَم

باغلی ملتی آزادائیله رَم

آغلاراؤزلری لاپ شادائیله رَم

اؤرگین اولسا قلبیم مسکنی ! 


turkcetanzler@


آختاریرام هرگئجه گؤندوز سنی

یازار : علیرضارضائی

+0

آختاریرام هرگئجه گؤندوز سنی

دوداغلارین اودوندا
گل گئنه یاندیرمنی

Axtariram hər Gecə Gündüz səni
dudağlarin odonda
Gəl Gənə yandir məni

 


دیزچؤکوبلر محضرینده اوشاغلار

یازار : علیرضارضائی

+0

دیزچؤکوبلر محضرینده اوشاغلار

اوشاغلاری قوجاغلاما آی کیشی !

 

یاپیشما اونلارا فشاروئرمَه هی !

تؤکلرینی داراغلاما آی کیشی !

 

بیر یامان انسان،مذهبین دوشمنی !

آداملیغیدان چیخیب چوخ مبتدل سن !

 

قرآن اوخویاندا عَمَل دَه ائیله

نه دَن اولوب عالم ِ بی عمل سَن !

 

شک یوخومدور بودونیادا تاپیلماز

سنین کیمین کافرین مذهبینده !

 

یقین دی کی درس اوخویوب سان گؤزل

اوشاغلیغداقزوینین مکتبینده !!


turkcetanzler@


قادرآلله سئل آپاریب هریانی

یازار : علیرضارضائی

+0

قادرآلله سئل آپاریب هریانی

فرهادشیرین،شیرین فرهاداولوبدور

قاریشیبدیرار-آروادین آراسی

آروادکیشی،کیشی آرواداولوبدور

 

انسان اوغلوتعظیم ائدیرانسانا

وئریبدیرنوختاسین اوشاق-آروادا

تانیش اولوب کیشی،آروادهریادا

مملکتین ایشی برباداولوبدور

 

قوران کیلاسینادای گئتمیراوشاق

اوشاق بوعدااولوب،اؤیرتمن اوراق

آق قارادیر،دؤزباخاسان قاراآق

قوران اؤیرتمنی شیّاداولوبدور

 

ایشیق کیمین بیزلره ساچدی گئتدی

باش توولاییب نوختاسین آچدی گئتدی

«کل اوغلانین» ائششگی قاچدی گئتدی

عرعرائدیر چونکی آزاداولوبدور 


turkcetanzler@


قشون قاطار ائیله دی

یازار : علیرضارضائی

+0

قشون قاطار ائیله دی

آتی ، اوچار ائیله دی 

گئتدی مارال وورماغا

سیچان شیکار ائیله دی !!


bayatilaar@


  • [ 1 ][ .. ][ 8 ][ 9 ][ 10 ][ 11 ][ 12 ][ .. ][ 23 ]