سویله دیم کوچه ده حاجی صفره
سویو وئرمه هدره !
سونراخواهش ائله دیم مین نفره:
سویو وئرمه هدره!
توکورم گونده سنه مین کره دیل
آزدی سو قدرینی بیل
گل ایلان زهرینی قاتماشکره !
سویو وئرمه هدره !
بیر بئله گئتمه حاماما آ کیشی!
ترک ائله دای بوایشی
گئجه یاریسی دئدی آرواداره:
سویو وئرمه هدره!
اولماسا سوگوتو پوخلو قالاجاق !
قابلاری هی یالاجاق !
کورپه اوغلون دوشاجاق لاپ خطره !
سویو وئرمه هدره !!
مشه گلزاربیر آز انصافا گل
ائیله خلقی مچل !
هی بوراخما حیطه،هرگذره
سوئو وئرمه هدره
ساوادسیزدی ، ولی وار ادّعاسی !
یالان دیر دکتراسی
بیلیر بو نکته نی اؤغلو،آناسی !
یالان دیر دکتراسی!
اونو تعریف ائدیر آلچاق آداملار
دلی – دیوانه،خاملار !
زهیر دیر شربتی،آب بقاسی !
یالان دیر دکتراسی !
یازوبدور اوردا ،بوردا بش مقاله
اولوبدور استحاله !
« فرویدون » اوغلودور،چوخدور باهاسی؟!
یالان دیر دکتراسی !
ادب دونیاسینا بیگانه دیر او!
دئمه فرزانه دیراو !
غزل یازسؤن دئییر شعرحماسی!
یالان دیر دکتراسی !
اگرچه گَند،اخلاقی سرین دیر !
باخیشلاری درین دیر !!
هم اؤز یانیندا استاددیر اساسی !
یالان دیر دکتراسی !
سئور،سؤزلر ایچینده اؤز سؤزونو !
چوخ آلقیشلار اؤزونو!
یالانچی دکترین اولماز شفاسی!
یالان دیر دکتراسی !
یازیق دکتر فقط یانلیش دالیندا!
بئکار دیر ایش دالیندا !
گؤزو دار اینسانین یوخدور صفاسی!
یالان دیر دکتراسی !
بوراخ بس دیر «رضایی» چوخ دانیشما!
دئمه هجوی،چالیمشا
چیخارتما لطفاً اگنیندن لباسی!
سؤیله دی گون اورتا گئتدیم مسجده
اوغرولار جازلادیلار باشماقیمی !
اعتراض ائتدیم ولی مردم دوتوب
زیرزمین ده چکدیلر داششاقیمی !
کوچه ده پارک ایله دیم ماشینی من
قوزادیلار چرخ ایلن قالپاقیمی !!
ات ساتان ،بنّا ،چورکچی ،جوشکار
ویردیلار دین آدیلا خیرتلاقیمی !
ایککی اؤزلو اوغرو مؤمن لر بوتون
بولدوزور تک پوزدولار اخلاقیمی !
رایین آلیب تِئزمجلسه سوخولدوم
اوغورلادیم اعتمادین باغیشلا
یالان دئدیم ایللر آلداتدیم سنی
بادا گئدیبدیرهَرزادین باغیشلا
🌺🌺🌺
مجلسدَه یَم ایشیم یئماق-یاتماق دیر
یالان آلماق،یالان سؤزلر ساتماق دیر
دونیا مالین پالچیغینا باتماق دیر
کوسوب پول اوسته آروادین باغیشلا
🌺🌺🌺
هی چکیرم حرام مالین دادینی
آلدادیرام ملتین آروادینی
ائشیتمیرم مظلومین فریادینی
چاتیب گؤیلره فریادین باغیشلا
🌺🌺🌺
اوشاغلاریم کؤچوبدولار لندَنه
وارلیغیمی آپاریبلار دوشمنه!
سوخوبدولارقارنیما بیرداغ شَنَه
معتاد اولوبدور اولادین باغیشلا
الیم بوش دورمنیم چوخ دور خیا لیم
یامان دور وضع مالیم،هم دَ ه حا لیم
غمیم دَن آغلا ییریوخسول عیا لیم
اوشاقلاردا یوخوشام نئیلیییم من؟
خدایا گلدی بایرام نئیلییوم من؟
«حمیدین»تومّانین بندی قیریق د یر!
«رضانین»باشماغی یِیرتیق،جیریق د یر !
بیزیم ائودَه آجیندان قیشقیریق دیر!
بوگوندَه اولد وآخشام نئیلییوم من؟
خدایاگلدی بایرام نئیلییوم من؟
منی کارخانا دان آتدی ایشیگه
رئیسم،چیخد یم ایشدن بیرتپیگه!
منی تشبیه ائدیب قونشوم پیشیگه!
پیشیگ اولدوم سرانجا م نئیلییم من؟
خدایا گلدی بایرام نئیلییوم من؟
یوخومدور پول پسته،پول آجیل
سیچانا اولموشام بوآ ی دا تبد یل !
اگر گلسَه بیزه بایرامدا فا میل
الیم بوش دوربو ایّام نئیلییوم من؟
خدایاگلدی با یرام نیلییوم من؟
غنی نین ایتلری توخوخدورحسابی!
چکیرلرهئی اوخا پیشمیش کبابی!
منیم قارنیم چکیررنج وعذابی
یوخومد ورپول حمّام نئیلییوم من؟
خدایاگلدی بایرام نئیلییوم من؟
گلیربایرام اوره گیم قان د یرآمما!
گؤزوم یاشلاندی دولدو« داملا داملا»!
گئدیب قیزلاریلان آنتالیادا
غنی اوینور«دارادام»نئیلییوم من؟
خدایاگلد ی بایام نئیلییوم من؟
الیم بَند اولمادی بیرصندلی یَه
بدهکاراولوموشام«مشد ی ولی»یَه!
قیا فَه م اوخشا ییر«مجنون »دلی یَه!
منی ترک ائتدی«لیلا»م نئیلییوم من ؟
خدایاگلدی بایام نئیلییوم من؟
کئچن ایلده من اولدوم شاد یالاندان
دئدیم چوخلارینا استاد یالاندان !
چوخ اینسانلارکیمین اولدوم یالانچی !
قازاندیم ائو ،ماشین هرزاد یالاندان !
بیزیم واعظ یالانچی بیر آدام دیر
ولیکن هی چکیر فریاد یالاندان !
یالانچی دیر کیشی دایم قوجاقلیر
یاتاقدا هی اونو آرواد یالاندان !
یالان شیرین دیر آمما گؤزله جانیم
اولوب چوخ عُمرلر برباد یالاندان !
اوخوتاریخی گؤر دونیادا بیرکس
قویوب آیا گؤزل بیر آد یالاندان ؟
یقین بیل هئچ یئره چاتماز عزیزیم !
اوملت کی آلار امداد یالاندان !
حیدربابا تغییر ائدیب زامانا
بیتلر گلیب گیریب بیزیم تومانا !!
حیدربابا قیز اوغلاندان اوتانمیر !
فلک بیزیم آرزیمیزا دولانمیر !
بوش ال لَری،بیکاردیلار کیشی لر !
قیناییرلار اِرکک لَری دیشی لر !
مؤمن لر کی دایم ال-یوز یوئورلار!
بازارلاردا یامان دری سویورلار !
حیدربابا قول قیچیمیز قیریلدی !
چوخ باغیشلا هر زادیمیز جیریلدی !
گول،چیچکی بوستانلاردا ازیرلر
قیزیل ایلان چاتلاقلاری بزیرلر !
حیدربابا تویوق ییماق چَتین دیر
یومورتانین شانه سی اللی مین دیر !
بنزین باها اولوب گؤر بو مسلگی
«مشدی حسن» گازی ائدیب ائششگی !
رستم بو دونیایا بیر یول آچوبدور
قیمت لری گؤرجَک،قؤیوب قاچوبدور !
ائو قیمیتین قولاغینا دئییب لَر !
چؤخ «بیژن»لَر قویودا گیزله نیب لَر !
حیدربابا گل ائشیت ایندی بونو :
عمل ائدیب"کلثوم ننه"بورنونو !
«خجّه سلطان» گؤزل ائدیب صاندیقی !
یوغون گؤتون گئدیب ائدیب فیندیقی !!
آینا قاباقیندا دوروب قیر وئریر !!
هی اؤزونه آفرین،احسن دئییر !!
او اؤغلان کی یئیه ردی سود «قایماغی»!
باشارمادی کـَـت ده داوار یایماغی،
گئدیب «بانک رئیسی» اولوب، قولاق آس
اون آلتی میلیاردی ائدیب اختلاس !!
حیدربابا بوردا اولوب دین، تومن !
یوز مین تومن اولوبدور تَک مین تومن !!
او انسان کی اؤلوب قالین دریسی !
دونیادا وار پریله بربریسی !!
سینیر باشی،قابیرقاسی قیچ قولو
بو دونیادا هرکس گئدیر دؤز یولو !
ایسته ییرم قاچام گئدم ماغارا !
تک قالمیشام اؤزوم قالیب دووارا !!
حیدربابا توکندی ماجرا میز
ایستی سودان چیخانمادی بابامیز !!
«حیدربابا» تاخما دیشین تاخاندا !
دامدان گؤزل قونشوموزا باخاندا !
مامورلرین کتک لرین سال یادا !
گؤزلرین تیک ،باخما گؤزل آروادا !
«حیدربابا » آلزایمر توتموشام من !
گؤزل تاریخیمی اونوتموشام من !
«حیدربابا » بئکار گزیر اوغلوموز !
بوغون قیرخیب،قاش آلدیریر اوغلوموز !
نازیله یول گئدیر،اولوب مامانی !
خیاباندا گؤز چیخاردیر تومانی !
«حیدربابا»"بابا ایمان"جان وئریر !
ائششک هورور،چوخ هاردیر ایت آنقیریر !
"حیدربابا"اخلاقیمیز پوزولدو !
غیرت اؤلدو،یاخشی یامان توز اولدو !
«حیدربابا» باشیمیزی قاتیبلار !
یول کسن لر ذیروه لره چاتیبلار !
حیدربابا کیشی،قدیم کیشی لر !
قورخاردی اونلاردان بوتون دیشی لر !
بیزده کیشیلیکدن بیر آد قالیبدیر !
آروادیمیز جانیمیزی آلیبدیر !
بیر کیشی سؤیله دی منه: آروادیم
پیققیلداییر تئز ایسلانیر هر زادیم !
باشیما آروادیم چالیر وَردَنـَـه !
آغلاییرام هی دئییرم: آی نَـنـَه !!
« حیدربابا » تویوغلارا چاتاندا !
کورچ تویوقی دوتوب یاواش ساتاندا،
دعا ائله منیم ایچین دوغروسو
منده اولوم کورچ تویوغلار اوغروسو !
«حیدربابا »خلقَه منی چوغورلور
یومورتا اوغروسو،دَوَه اوغورلور !
"حیدربابا"قونشوموز اولدو دارا !
یوز ایللیک بوش جیبینه دولدو پارا !
زَمی یئرین ساتیب آلیب « زانتیا »
قودوق مینَن پینتی مینیر "ماکسیما" !
میندیریبدور اوغلو؛ بیر اؤزلو قیزی
ویراژ وئریر ذرّه جه سایمیر بیزی
گردیده گران کاغذ و خودکار و قلم وای
ای وای ددم وای !
ازقیمت ِسبزی و بادمجان و کلم وای
ای وای ددم وای !
دیدم ترکیده یکی از شد ّت سیری
فرزند ِ فقیری،
می گفت که :«من گشنه ام از درد شکم وای
ای وای ددم وای» !
می گفت به «حاجی رمضان »در ته «قزوین »
بنگاهی ِبی دین
زد جیب مرا خنده کنان «حاجی کرم» وای
ای وای ددم وای !
ای دزد پدر سوخته با نیت غارت
رفتی به زیارت
هم مهر چپو کردی و هم فرش حرم وای
ای وای ددم وای !
دید م که علامت کش ِ قالتاق و پراز زور
آن آدم ِمغرور
می گفت که :«له شد کمرم زیر علم وای
ای وای ددم وای» !
از دست گرانی چه بگویم که شکارم !
چون ابر بهارم !
افسوس به حال ِ من ِ بیچاره و هم وای
ای وای ددم وای !
آداملیقدان چیخیرسان بعضی
گونلر
اولورسان عین حیوان بعضی گونلر!
قاپیرسان ایت کیمین بیر گون سحردن!
دئییرسن هی مَنه «جان»بعضی گونلر!
ناماز قیللام سنین دالیندا هردن!
دورور دالیندا شیطان بعضی گونلر!!
یالانی ترک ائدیب هرایلده بیرگون!
ویریرسان طعنه؛بهتان بعضی گونلر!
بوخلقین حالینا گؤزدن آخیر یاش
اورَکدنده آخیر قان بعضی گونلر!
یادیندان چیخماسین بیر شی اوغورلا!
اوغورلوق ایله اوغلان؛بعضی گونلر!
تویوقلارسینه سی آزغین ائدیب دیر
منی گمراه ائدیب ران بعضی گونلر!
یازیق افکاریمین شلواری یوخدور!
گزیرشعریمده عریان بعضی گونلر!
چاپیب زاهد بو نادان،ساده خلقی
مینیب بو مردمی خان بعضی گونلر!
اومیدیم وار کی اولسون یاخشی حالیم
تاپیلمیر درده درمان بعضی گونلر!
چکیر اؤز یانینا کافر جماعت
منی؛هم اهل عرفان بعضی گونلر!
توکوب دور کامیمه زهرآی جماعت
سیزین تک چرخ دوران بعضی گونلر!
منی هردن سایار«بایرام حامامچی»!
وسایمازهئچ بیرانسان بعضی گونلر!
گلیب جولان وئریرائششک آداملار!
اولور ذهنیم اتوبان بعضی گونلر!
اداره باشقانی ارباب رجوعا
دئدی کی«گئتدی ایمان بعضی گونلر!
ساریلدیم «شبنمه»دفترده بیرگون!
آپاردی عقلی«ریحان»بعضی گونلر!
منه وئردی بیرینجی رشوه جنسی !
ایکینجی شخص،فرمان بعضی گونلر»!!
قارا بخت انسانین بختی آچیلدی!
گتیردی شانس دالدان بعضی گونلر
