پارچا گئتردی بیچمه !

ائوینه گئتد ین سیچمه

پاخیلین کوزه سیندن

سوسوز اؤلدون سوایچمه !

آن که دایم هوس ساحل دریا می کرد

ساحیله یایدا گلیب کئشگه تماشا می کرد !

گتیریب ساحیله قیزیولداشینی هرکیمسه

یاخاسین اوردا آچیب سیراروپا می کرد !

بیرقیزین قیرمیزی گلدار مایوسو ایتمیشدی

طلب از گم شدگان لب دریا می کرد !

مایونو «مش رمضان » یولدا تاپوب ،حسرت ایلن

اندرآن آینه صدگونه تماشا می کرد !

اؤزگه نین آروادینا حاجی باخیب ،گیزلیندن

آنچه خودداشت زبیگانه تمنا می کرد !

وئردیم آلچاق رئیسه رشوه نی راحت اولدوم

کو به تایید نظر حل معما می کرد !

سؤیله دیم :اوغرولاری هانسی صاباح دوغدو فلک ؟

گفت :«آن روز که این گنبد مینامی کرد» !

آسدیلار « حاجی سلیمانی » اگر داششاقدان !

جرمش این بودکه اسرا هویدا می کرد !

قیشقیریردی گئجه یاریسی ،سوروشدم :نه اولوب ؟

گفت :«حافظ گله ای از دل شیدا می کرد»!!

 گؤیدن یاغان یاغیش دیر

پاییزین آردی قیش دیر

قیزلاراگؤزایلمه

آی قوجابوپیس ایش دیر!

-------------------------------

گؤیدن یاغان یاغیشدیر

پاییزین آردی قیشدیر

قیزلارا گؤز ائیله مه
آی قوجا پیس ایشدیر!

-----------------------------------

لاپ محو ائدر طاقتی

اصلا یوخدور حکمتی

نیفرت آغیر بیر یوک دور

داشیمایین نیفرتی

----------------------

لک لکی لک لک دۏغار
میخکی  میخک دۏغار
 کیشی  کی  ائششک اولسا
آروادی ائششک دۏغار

------------------------

لیمانا گمی گلدی

غصه،ماتمی گلدی

یار گوله گوله گئتدی

گئتمه میش غمی گلدی

 ----------------------------

مریضین ویزیت اولماز
یانلیشین ائدیت اولماز
گؤزله گوناه ائیله مه
گوناهین دیلیت اولماز

---------------------------

منیم عاشیغام پنیره

چوره کچی یه،دبیره

عشقین خمیرکیمین دیر

باتوب الیم خمیره!!

-----------------------

میللتی سالیب دَردَه
اؤلکه یَه چکیب نردَه
دولت میللته دَردی،
گؤستَریر پَرده پَرده

----------

نه ساچین وار نه گؤزون
نه قوجاغین،نه سؤزون
غملر توتوب کؤنلومو
گئجه مى ساریب حوزون

---------------------------------

هئچ کیمَه حریف اولماز

هئچ زادی ردیف اولماز

کیشی الی بوش اولسا

خوار اولار شریف اولماز

-----------------------------

هانی شیرین صؤحبتین
سؤزلرین،محبّتین؟
گئجه نی گؤنش سیلر
منی سنین حسرتین

-----------------------

هر کئچی ارکک اولماز

پرتقال گرمک اولماز 

ساققال چوخالسا اوغلوم

یون اولار،پشمک اولماز

-------------------

یاسدیغی یوخ دایانسین

پالازی یوخ اوزانسین

آج آدامی سایمازلار

سوخسوللوق ائوین یانسین

-------------------------

یاش گؤزلریم قارالیر

تئللریمی قار آلیر

آرواد-اوشاق یانیندا

هر گون اوزوم قارالیر

------------------

یالانچی‌دا دین اولماز

ات آجی شیرین اولماز

آتا- بابا دئییب‌لر

داش اوسته اکین اولماز

-------------------

یاناغلارین لاله سی
گؤزلرین پیاله سی
منی سالیب چؤللره
ساچلارین شلاله سی

کیشی  ایشدن یورولماز
پاییزده یارپاق سولماز

یوک داشیماق راحت دیر
دردی داشیماق اولماز

کار بو سۆزو ائشیتمَز

بو دّرین سۆزوم ایتمز

عقل ایله شرعین سویو

هئچ واخت بیر آرخا گئمز

عومور بیر خوش باخیش دیر

بیر بولود،بیر یاغیش دیر

دئدین فلاکت نه دیر ؟

ایراندا یاشاییش دیر 

عزیزیم یالان یاخشی

ملتی تالان یاخشی! 

خالق اوستونه قویماغا
کتاندان پالان یاخشی

عزیزیم باغ،بولاق دیر
عشقین مَنَه دایاق دیر

اورییمدَه سَن آمما
یولوم سَنَه اوزاق دیر

شعله سیز چای اولارمی؟

یارسیز سارای اولارمی؟

ایرانلی اوغرولارا

دونیادا تای اولارمی

سَن گلینجه تالانیر
زامان آغیر دولانیر
باخیشلارین اوستونه
باخیشلاریم جالانیر