دی هانسی یوللاردادیر؟

دوماندادیر؟ قاردادیر؟

کونلوم ناغیل ایسته ییر

قاری ننه هاردادیر ؟

دونیادان آش ولاش گئت

بَربَری گل لاواش گئت!

اوغورلوغا گئدنده

دامدان یاواش یاواش گئت!!

دوغدولار دولدو دونیا
سارالیب ، سولدو دونیا
نفس چکه بیلمه ییر!
باساباس اولدو دونیا!

دنیزه،چایا دَیَر

گونشه،آیا دَیَر

قیز وار بیر تومن  دَیمَز

قیز وار دونیایا دَیَر

دُلار گلدی ایرانا
بتر سیچدی هر یانا
گولوب دئدی ریالا
گؤتون وار گل مئیدانا

دالغالی،توفانلی دیر

دنیزلری قانلی دیر

کئچن گونلریم قارا

صاباحیم دومانلی دیر

دئدیم او قاش قلمَه

وصفین گلمَز قلمَه

اؤره ییمدَه آغاج تک

عشقین ووروب قلمَه

چیچک له نیر یاناغی

سئوگی ساچیر دوداغی

ماوی ،دنیز گؤزلری

خاطیره لر دوراغی !

تولوق دئدین مشکه سن!

قوروت دئدین کشکه سن!

آروادآلیب قوجالدین

آلماسایدین کئشکه سن!!

پانبیق کیمین قار گلیر

قارقالارقارقار گلیر

دونیا گؤزللَشیب دیر

قار آلتیندا یار گلیر !