سن گئدینجه ایتدی شعر

لاپ محو اولدو،گئتدی شعر

گؤزومده یاش قورودو

قلم دوشدو،بیتدی شعر

گؤیدَن یاغان یاغیش دیر

پاییزین آردی قیش دیر

قیزلارا گؤز ائیلمه

آی قوجا بو پیس ایش دیر!

 قزوینیم،آی قزوینیم!

سن جیگریم،سن دینینم !

آیاق داشین مَثل دیر!

پسته لرین گؤزل دیر !

ایستکلی دیرباغلارین

ویقارلی دیرداغلارین !

نان ِ برنجین اعلا

کوچه لرین آوروپا !

باقلوانین شهری سن!

دهخدانین شهری سن!

عُبید سَن دَه یاشاییب

سَنی چوخ آلقیشلاییب !

وَطنَه دلدادَه دیر

عارفین آزادَه دیر!

اؤزؤمؤن وار،شرابین

دؤنیا :دَلی،خرابین!

شازدَه حسین سَراسی

اؤرَکلرین ماواسی !

سئویندیریرآدامی

قَجَرلرین حامامی !

سبزَه میداندا بوتون

پاریلداییر چلستون !

گئتمَمیشَم بیرایل دیر

مَغلواکین قیزیل دیر !

مست اولوب باخمازجاما

خیّام گلسَه خیّاما !

دَیَروئریبدیر سَنَه

گؤزَل سَعدالسّلطنَه !

دربکوشکون قدیمی

آداملارین صمیمی !

سئودیم شهرآراسینی

تهران دروازاسینی !

مولوی،هریانینی

سپه خیابانینی !

تاکستانی،الوندی

ضیاآباد،تاکندی !

قزوین، ای عشق دایاغی!

عاشیغلارین اوجاغی،

ای دونیانین باهاری !

قوناغلارین دیاری!

اومورام ساغ قالاسان

لاپ ایستی،داغ قالاسان !

هر کئچی ارکک اولماز

هر آدام دلقک اولماز

ساققال چوخالسا اوغلوم

یون اولار، پشمک اولماز

من دئمیرم آلما آل

گرمک، قووون،آلما آل

انسانلاری چاشدیرار

هئی سؤیله مک،آلماآل

گؤنّش ایشیق ساچمادی

قارانلیقلار قاچمادی

یار گَلمه دی قرارا

پنجره نی آچمادی

توکلری لاپ آغاردی!

شادگؤنلری قوتاردی!

ائولندی«حاجی حسن»

قوردقوزونوآپاردی!!

بولوددان قار گلمَه دی

آغاجدان نار گلمَه دی

گؤزوم قالدی یولوندا

یوخوما یار گلمَه دی

لک لکی لک لک دوغار

اینکی اینک دوغار

کیشی ائششک اولاندا

آروادی ائششک دوغار