ایت اولسا هوره بیلمَز

ائششگی سورَه بیلمَز

گؤزو آج،آلچاق آدام

هئچ کیمی گؤرَه بیلمَز

اوچماق چیخیب یادیمدان

درد یاغیر فریادیمدان

بیر توتساق گؤیَرچینم

قان آخیر قانادیمدان

او گئجه شهر ایچِندَه       

غرق اولدون قهرایچِنده

دئدیم:«گؤزَل مارا لیم!   

عسل سن،زهر ایچِندَه»!

انسان غم، غصّه یئییر

گؤزللیک کفن گئییر

کرونا قبیر قازیر

اجل اؤلو داشییر

الی بوش یئر آلمادی

الینده یئر آلمادی

تاپشیردیلار توپراغا

کاسیبی یئر آلمادی 

آغ ائششک ده پالان وار !

پالانینی آلان وار !
آغ ساققالین دیلینده
قالاق قالاق یالان وار  !

ییقیشد یریب دارا پول !
چکد ین بیزی دارا پول !
وارلی یئییب  پارتلاییر!
یوخسول دا یوخ قارا پول!

یا پیشمیشام من سنه !
دیر وئریبسن منه !
بیلیر سن ای سیا ست !
سن اینک سن،من کنه!!

قشون قاطار ائیله دی

آتی ، اوچار ائیله دی 

کمین ووردو مارالا

یئره دگدین آی دئمه !

خیابانا زای دئمه !

قیمتلری گؤزنده

آغلاما ،آخ – وای دئمه !!