چیچک له نیر یاناغی

سئوگی ساچیر دوداغی

ماوی ،دنیز گؤزلری

خاطیره لر دوراغی !

تولوق دئدین مشکه سن!

قوروت دئدین کشکه سن!

آروادآلیب قوجالدین

آلماسایدین کئشکه سن!!

پانبیق کیمین قار گلیر

قارقالارقارقار گلیر

دونیا گؤزللَشیب دیر

قار آلتیندا یار گلیر !

پارادیر باشماقلاری

گؤرسه نیر چاتاقلاری

یوخسول اینسانا اوخشور

پاییزین یارپاقلاری

بیر گون گلر قاش آغلار

آیاق آغلار،باش آغلار

بو میللتین حالینا

دنیز آغلار،داش آغلار

بیر اتک گول دَرمیشه م
دریب یئله وئرمیشه م
سن سیز یاش حسرتیمى
گؤزلریمه سَرمیشه

بوش یوللارا جالان گل

عؤمروم اولوب تالان،گل

آی منیم یاتمیش بختیم

گوزوم یولدا اویان گل

بو سؤزو دیله سالیب
شاعیر شکسپیردن آلیب
شیطانلار یئر اوزونده
جهنّم بوم بوش قالیب

بو سؤزو اونوتمایین
سودان کَرَه توتمایین
کول اولموش اینسانلارى
آتش دن قورخوتمایین

باغلاییب  جانا دیلی

اؤیرَدیب آنا دیلی 

اؤزگه دیلدَن دیل اولماز

یاشاسین آنا دیلی