اشعار ترکی علیرضارضائی

کل اوغلان

ائشیتدیم بیر دول آروادی «مش اکبر »

ائشیتدیم بیر دول آروادی «مش اکبر »

دوتوب باغین دالیندا اؤپدو باری !

 

گوروبدور بیر یامان ایش قورخوسوندان

پارا شالوارینی چکدی یوخاری !

 

به محض اینکه قاچدی فاسق اینسان

بوراخدی آروادی اولدو فراری !

 

بو بیتی یازدی او آرواد دووارا

بونو «سعدی » بویورموش یادگاری :

 

«ثوابی چوخدورآی تازا جاوانلار

چاتار اومیدا گر امیّدواری »!

آردینی اوخو
پنجشنبه 29 اسفند 1398
بؤلوملر : هزلیات کل اوغلان,

قورشون آتیب بیشه دَن

قورشون آتیب بیشه دَن

بیزی چَکیب ریشه دَن

آرامیزا روزگار

دووار چکیب شیشه دن

آردینی اوخو
پنجشنبه 29 اسفند 1398
بؤلوملر : بایاتیلار,

گؤزل قیزا ائلچی گلیب بیر گئجه

گؤزل قیزا ائلچی گلیب بیر گئجه
تا کی او قیز اختیار ائتسین اَری

بیری«حسن» ، مؤمن آدام ، سئومه لی
چیرکین ایدی ، بوم بوش ایدی ال لری

ایکینجی نین آدی «علی» ، چوخ گؤزل
یوخسول ایدی ، کافر و دین دَن بری !

اوچونجونون «جعفر» آدی ، وارلی دی
جمالی یوخ ، آللاها یوخ باوری !

قیزین آتاسی دئدی :« سن به یه ن دین 
هانسی نی ای بو عالمین دلبری » ؟

قیز دئدی :« آی آتا باغیشلا منی !
ایسته ییرم « حسنعلی جعفری  ! ! ! !»


آردینی اوخو
پنجشنبه 29 اسفند 1398
بؤلوملر : قطعه طنز ترکی,

گئدیب منّت چکیر پیوسته قاسم

گئدیب منّت چکیر پیوسته قاسم

آلوب گؤل آروادامین دسته قاسم !

باریشمازآروادی وار،کؤسموش اوندان
داهایورغون اولوبدورخسته قاسم

آردینی اوخو
پنجشنبه 29 اسفند 1398

گئتدی سفره،مش صفرین آروادی

گئتدی سفره،مش صفرین آروادی

یازدی صفره گلایه سین،هرزادی

دؤرد آی دی یولوم دوشوبدو بهداشت ائوینه
برگرد بیا که کار دستم دادی

آردینی اوخو
پنجشنبه 29 اسفند 1398
بؤلوملر : رباعی ترکی فارسی,

قیش یاغماسا قارخوش نباشد

قیش یاغما سا قارخوش نباشد

گل بی رخ یار خوش نباشد !


گئت گؤللرایچینده ایچ  ودکا
بی باده بهارخوش نباشد !


آنغیرماغا باشلا ،یاز فصلی
بی صوت حمارخوش نباشد !


پیکانین ایچینده شیللاق آتماق
بی بوس وکنارخوش نباشد !


جام اؤستؤنه یادگارچکمک
جزنقش نگارخوش نباشد


قابل یوخورشوه حافظ آمما
ازبهرنثارخوش نباشد !




آردینی اوخو
پنجشنبه 29 اسفند 1398
بؤلوملر : شوخلوق با حافظ,

قهر ائدیب پیر و جوانا اهرین زلزله سی

قهر ائدیب پیر و جوانا اهرین زلزله سی 

عالمی گئتدی فغانا اهرین زلزله سی

 

"ورزقان" شهرینی ییخدی؛هریسی ائتدی وئران 

یئنه قاتدی قانی قانا اهرین زلزله سی 

 

اولدوروب کؤرپَه نی،آغ ساققالی؛آغ بیرچگی دَه

باخمادی خانَه؛چوبانا اهرین زلزله سی 

 

توکدو یارپاق کیمی اینسانلاری ظولمیله یئره

اوخشادی باد خزانا اهرین زلزله سی

 

مردمین کونلونو یاندیردی؛یامان ائتدی کباب

اود ویران واختداتیکانا اهرین زلزله سی

 

تازه دامادیله،تازه گلینی اؤلدوردو 

قوجانی سالدی زیانا اهرین زلزله سی

 

باخمادی فقره،اوروج آغزا،ساری رخساره 

شب قدره،رمضانا،اهرین زلزله سی

 

کیمسه سیز خلقین ائوین ییخدی؛داغیتدی کؤکدَن

ویردی اود خورد و کلانا  اهرین زلزله سی

 

پایه سیز ائولری دیوانه فلک ویردی یئره

گوجونو قویدو کمانا اهرین زلزله سی 

 

قیزلارین یاخشی تخیّوللاری،رؤیالارینی

دؤندریب گؤرنه یامانا اهرین زلزله سی !!

 

من کی تصویر ائده بیلمم بو یامان فاجعه نی

وصفی گلمز که بیانا  اهرین زلزله سی 

 

اردبیل شهرینی؛گیلانی تکان وئردی تمام

گلدی قزوین؛همدانا  اهرین زلزله سی

 

یئنه بو زلزله بش گؤنده چیخار یادلاردان

کئشکه مسئوللار اویانا....اهرین زلزله سی

آردینی اوخو
پنجشنبه 29 اسفند 1398
بؤلوملر : اهرین زلزله سی,

آه!یامان اؤغرو لار

قوزادیلار هرزادی جان اؤغرولار         

 آه!یامان اؤغرولار! 

وئرمه دیلر خلقه آمان اؤغرولار              

 آه!یامان اؤغرولار !


جازلادیلار شورتو،گودَه تومّانی      

 ایستیکانی؛فینجانی!


باخمادیلار یاپما یاپان اؤغرولار             

 آه!یامان اؤغرولار! 


پارچالاری قؤزادیلار،بیچدیلر!            

طؤی داعرق ایچدیلر! 

وئردیلر آخشاملار اذان اؤغرولار!        

 آه!یامان اوغرو لار! 

 

گؤل،چیچک احساسا زیان ووردولار!     

  هردوروما دوردولار!

ایله دیلر عقلی تالان اؤغرولار!           

  آه!یامان اؤغرولار!  


قلبیمیزی آغری اؤلوب سیخدیلار!         

 جامعه نی ییخدیلار! 

زلزله،سئل،داغدا دومان اؤغرولار!   

آه!یامان اؤغرولار!

 

خوش باخاسان معلوم اؤلار اؤخدولار!   

 رشوه آلیب،سؤخدولار،


...لره هر یئرده تیکان اؤغرولار!        

 آه!یامان اؤغرولار! 


سایغی لاری وار،کیشی ، خان اؤلدولار!  

 خالقا «باخان»اؤلدولار! 

سئل کیمی هریئردن آخان اؤغرولار!         

آه!یامان اؤغرولار! 


باخمادیلارریوخسولا،وارلی لارا !            

 یؤللادیلار انبارا!   

 

    «زانتیا»،«پیکان »و«ژیان »اؤغرولار
آه ! امان اوغرولار !



یؤلچولاری،جاده لری میندیلر!                

 ساده لری میندیلر! 

هَر دوروم وچاغدا چاخان اؤغرولار!       

 آه!یامان اؤغرولار! 


آهنی،ماشین دالینا آتدیلار!                

یاش کفنی ساتدیلار! 

هر گئجه لرقبری قازان اؤغرولار!         

آه!یامان اؤغرولار! 


ساخلادیلار ائوده قوجا اؤغرونو!          

 باشی اوجا اؤغرونو !   


چونکی مریض اولدو جاوان اؤغرولار !    

  آه!یامان اؤغرولار! 


ائششگی ایدی سِئومَلی ماشین لری!      

 خشت ایدی بالین لری!  

وارلاری«لگزوز»و «مگان»اؤغرولار!      

آه!یامان اؤغرولار! 


رحم ائله میرلر آجورا،کَرپیچه !       

 واشره،شیر،سرپیچه! 

عشوه ساتان یونجا،سامان اؤغرولار!   

آه!یامان اؤغرولار! 
 


آی تالان اؤلموش ائلَمَه ناله سَن!         

چک یاشووا ماله سن!

بیز گئدریک بوردا قالان اؤغرولار!         

آه!یامان اؤغرو لار! 



آردینی اوخو
پنجشنبه 29 اسفند 1398

قاریشدی آسیای غرب واورتا

قاریشدی آسیای غرب واورتا!

باهالاشدی تویوق،چای، ات،یومورتا!

 

ائدیبدیرسکته ایراندا اوجوزلوق!

یازیق میللت دوشوبدور زارت وزورتا!

 ----------------------------------

هلو صادر اولور قزوین،کرج دَن!

اوغورلوب وارلی اینسان کور،فلج دَن!

 

اوجاسسله دئییردی یونجالیغدا:

«سکینه دویمادی حاجی فرج دَن»!

 -------------------------------

کنیزی ،فرشی ،فراشی آپاردی!

آغاجی،توپراغی،داشی آپاردی!

 

قوناق اولدوبیزه،بیر مومن انسان

گئدنده بشقابی،آشی آپاردی!

 -------------------------------

ایش اوسته پارتلادیم، جانیم جیریلدی!

حقوقوم آی باشینداچون وئریلدی،

 

اوزاندیم استیجاری ائوه،قونشوم

بئله اوستوردوکی باغریم قیریلدی!!


آردینی اوخو
پنجشنبه 29 اسفند 1398

قاچمیشام،هی دویده ام که مپرس

قاچمیشام،هی دویده ام که مپرس

دردعشقی کشیده ام که مپرس


سیرتیق،اؤزلو،ادب سیزوگؤتوگئن
دلبری برگزیده ام که مپرس


ده ده می باندیریب،الیندن هی
می رودآب دیده ام که مپرس


کؤپک اوغلو،دله،گدا،اوندان
سخنانی شنیده ام که مپرس


گیزلی گیزلی سامانلیق،آمباردا
لب لعلی گزیده ام که مپرس


غصه لردن اوغول گؤتؤم جیریلیب
رنجهائی کشیده ام که مپرس


ساتمیشام حافظاآداملاری من
به مقامی رسیده ام که مپرس

 


آردینی اوخو
پنجشنبه 29 اسفند 1398
بؤلوملر : شوخلوق با حافظ,