اشعار ترکی علیرضارضائی

کل اوغلان

«حاجی رجب » ثروتین دریاسی دیر

«حاجی رجب » ثروتین دریاسی دیر !
شهریمیزین ان بویوک شوراسی دیر !
شورا اولماق اونون تمناسی دیر !
ناماز قیلماز ،گونده گئدر نامازا !

چؤ دوشوبدور ریانی ترک ائدیبدیر !
شهرداریلان اروپایا گئدیبدیر !
بودوره اون بئش میلیون وئریبدیر!
بیرهفته لیگ توتوبدور بیر مغازا !

تبلیغ ائدیر دووارلاردا اؤزونو
قازئت لرده یازیب یالان سؤزونو, !
چیخاردیرلار رقیب لری گؤزونو, !
دئیرلر : رای وئرمه یین حقه بازا !

ائشیدمیشم دئییبدیر :آی جماعت !
ایسته ییرم سیزدن ائدیم حمایت
هی ائدیرم رقیبلن رقابت
خدمت ائدیم سیزلره تازا تازا !

یالان دئییر هئچ کیمسه دن اوتانمیر !
یالان دئمیر ، دگیرمانی دولانمیر !
قارقیشلانیب آمما نیه اوزانمیر ؟!
موفته خیارلاری سوخور بوغازا !!

دئییرکی :من اوزالدارام بوی لاری !
قیز - اوغلانا چوخالدارام توی لاری !
قورخمایین اصلاح ائدرم سوی لاری !
دوندَرَرَم تولکی ، چاققالی غازا !!


آردینی اوخو
سه شنبه 27 اسفند 1398
بؤلوملر : قطعه طنز ترکی,

قیزیم،قیزیم آی قیزیم

 

قیزیم،قیزیم آی قیزیم
گونش قیزیم،آی قیزیم


تانری منه وئریبدیر
سن گوزلی پای قیزیم


اوتورما دور گئت گئتیر
بیراستیکان چای قیزیم!


تلگراما قوشولما
عقلین اولار زای قیزیم !


درس اوخو بیر ایش اورگن
هرقیش ده،هریای قیزیم


منه محبت گئتیر
بیر دنیز،بیرچای قیزیم!


ایشه گئدنده ائله
منیمله بای بای قیزیم


برقه،گاز اال آتما
گوزله سن ای وای قیزیم!


بو دونیادا تاپیلماز
سن گوزله تای قیزیم

آردینی اوخو
سه شنبه 27 اسفند 1398
بؤلوملر : اوشاق شعری,

کؤنلوموز آباد اولار بوندان سورا

کؤنلوموز آباد اولار بوندان سورا!

غصّه لر بر باد اولار بوندان سورا!


«مش عبادین»آروادی شیرین اولوب!

کؤک اری فرهاد اولار بوندان سورا

 

ائوله نرآ تمیش یاشیندا اوغلوموز!

بیر گئجه داماد اولار سورا!

 

موزیئییب اسکیک بئلی آرنولد کیمین

آهن و فولاد اولار بوندان سورا!

 

مملکت ائیلرترقّی،هر کیشی

تابع آرواد اولار بوندان سورا!

 

جیبیمیز پولدان دولار،باورائله

پولوموزمازاد اولار بوندان سورا!

 

هرساواد سیزمدرک لیسانس آلیب

دکتر و استاد اولار بوندان سورا!

 

عشق ائدرلرخلق و ایران اؤلکه سین

آدی«عشق آباد» اولار بوندان سورا!


آردینی اوخو
دوشنبه 26 اسفند 1398
بؤلوملر : غزل طنز ترکی,

قوزادی قوتورکیشی« زری»نی

قوزادی قوتورکیشی« زری»نی !

 قحبه «زری»چکدی جوهرینی !

سیرتیق آناسیندان اؤرگشیبد یر
توی دان سوراقیزمینیرارینی !

گؤردوم یوخودا«مشه سلیمان»
اون مین تومن آلدی بربری نی !

مست ائتدی منی شرابی  تئللر
آی قیز دالا چکمه روسری نی !

ائششک یاشاییب اگر بیرانسان
گؤج ائیلمه ییخما باورینی !

دگدیم یئره سیندی قؤل؛قابیرقام !
گؤردوکجه گؤتویوقون«پری» نی !

ماچا قودوقی سئورهرانسان !
«قزوینلی »ولی سئورنری نی !!

یوخسول آدامین جیبی بوشالدی
پایلاشدی بوخالقا دلبری نی !

بیر قحبه ائشیتمیشم کی قسطی
بازاردا ساتیردی گوهری نی !

نامه آراسیندا آخشام اوغلان
وئردی قیزاشعردفتری نی

شاعر دئیلیم باغیشلا جانیم !

قا چ گئت اوخو شعر دیگری نی !!


آردینی اوخو
دوشنبه 26 اسفند 1398
بؤلوملر : هزلیات کل اوغلان,

قوجاقین اوخشور احسان سیز بهشته

قوجاقین اوخشور احسان سیز بهشته !

منی یول وئر او دربان سیز بهشته !

 

اؤزون هی باغلاما کؤینک، تومانا !

گئدرسن با جی ! تومّان سیز بهشته !

 

داوارچی «مشدی ایمان »هی وئریر خرج

کی گئدسین کافر، ایمان سیز بهشته !

 

چکیر آجلیق قوجا تا حوری آلسین

تا پا جان، گئتدی چون جان سیز بهشته !

 

بهشتین ایچره کنتور یوخدو کئفلن

گلر گاز پولو یورغان سیز بهشته ؟!

 

دئدی قزوینلی رضوانه :« سن آلله !

منی گؤندرمه غلمان سیز بهشته »!

 

جهنّم دیر اگر گلسه عزیزیم

یالانچی ،اوغرو،وجدان سیز بهشته !


آردینی اوخو
دوشنبه 26 اسفند 1398
بؤلوملر : غزل طنز ترکی,

قشون قاطار ائیله دی

قشون قاطار ائیله دی

آتی ، اوچار ائیله دی 

کمین ووردو مارالا

سیچان شیکار ائیله دی

آردینی اوخو
دوشنبه 26 اسفند 1398
بؤلوملر : بایاتیلار,

قحبه یه وئردی کیشی اون مین تومن

قحبه یه وئردی کیشی اون مین تومن

بوسه وئریب،وئرمه دی سکسی خانیم 

سویله دی کی :«آی کیشی آزدیر پولون

اوجوز اتین شورباسی اولماز جانیم

آردینی اوخو
دوشنبه 26 اسفند 1398
بؤلوملر : هزلیات کل اوغلان,

قادر آلله سئل آپاریب هریانی

قادر آلله سئل آپاریب هریانی

فرهاد شیرین،شیرین فرهاد اولوبدور

قاریشیبدیرار-آروادین آراسی

آرواد کیشی،کیشی ،آرواد اولوبدور

 

انسان اوغلو تعظیم ائدیرانسانا

وئریبدیرنوختاسین اوشاق-آروادا

تانیش اولوب کیشی،آرواد هر یادا

مملکتین ایشی برباد اولوبدور

 

قوران کیلاسینادای گئتمیراوشاق

اوشاق بوغدا اولوب،اؤیرتمن اوراق

آق قارادیر،دؤز باخاسان  قار اآق

قوران اؤیرتمنی شیّاد اولوبدور

 

ایشیق کیمین بیزلره ساچدی گئتدی

باش توولاییب نوختاسین آچدی گئتدی

«کل اوغلانین» ائششگی قاچدی گئتدی

عرعرائدیر چونکی آزاد اولوبدور


آردینی اوخو
دوشنبه 26 اسفند 1398
بؤلوملر : شعر طنز ترکی,

غارته همت ائدیب،بئل باغلادی

غارته همت ائدیب،بئل باغلادی

چاپدی خالقی،چوخ اؤرکلرداغلادی

قوردایله هم سؤفره اؤلدو مش حسن
ال-بویون آمماچوبانلا آغلادی

آردینی اوخو
دوشنبه 26 اسفند 1398

علسگر آی علسگر آی علسگر

علسگر آی علسگر آی علسگر !

اویان باخ گؤر اولوبدور دونیا محشر

گئدیر دکتر یانینا ماده «منظر»

چیخیر ایککی ساعات اوندان سورا نر!!

آردینی اوخو
دوشنبه 26 اسفند 1398