دوغوم گوندن چکیب حسرت الی بوش
آلین یازیسی دیر ذلت الی بوش
بیرآرواد وارسککیز دوققوزاوشاقی
ائدیب تولید ده شرکت الی بوش
فلاکت دریاسیندا غرق اولوبدور
نجاتا تاپمیوب فرصت الی بوش
قوناقلیغا ائشیتدیم دعوت اولدو
تویوغا وئرمه دی مهلت الی بوش
بوراخدی آروادی آجلیق گوجوندن
دؤنن تاائیله دی وصلت الی بوش
باغیرساقی اولار آباد اگرکی
گتیرسین یوزمین ایل طاقت الی بوش
اؤله ر بورجون سونوندا،بورج باشیندا
دیری دیر بیر نئچه مدّت الی بوش
بهشته ایسته ییر یول تاپسا ،شاید
بیر آزجا ائیله سین عشرت الی بوش
اون – اون بش درصدی وارلی،ولیکن
تپرسیز،آج،بیر ملت،الی بوش
پولون اولسا کیشی،ارباب،آغاسان
اگرکی اولماسا،نکبت الی بوش
توکوب یارانه دولت،بانک اونونده
توتوب هرکیمسه دن سبقت الی بوش