اَت سیز،دوگو سیزسفره گولوستان اولابیلمز!

یوخسول دیری قالسا گئنه میزان اولابیلمَز!


یوخسوللاری ترغیب ائلمَه دؤز یولا زاهد!

زیرا آج آدام صاحب ایمان اولابیلمَز!


چاتماز دَله اوغرو بویوک اوغرولارا هرگز!

پیکان و ژیان خاور و نیسان اولابیلمَز!


کارمند لباسیندا یوز ایل چاپماسا خلقی!

ایراندا ایکی اؤزلو آدام خان اولابیلمَز!


یارانه لَری قطع ائله دی دولت امّید

گؤلدو دئدی:«یارانه فراوان اولابیلمَز»!


کؤک سینه لری چوخ سئویرم بنده ولیکن

هرگز تویوغون کؤک سینه سی ران اولابیلمَز!


یااختلاس ائیله ر یا الی اگری آدام دیر

بانک باشقانی ثابت اولوب اینسان اولابیلمَز!


هرچندگؤزل ناحیه دیر«شهرنیویورک»

شک ایلمه بیر گوشه ی تهران اولابیلمَز!!


بااینکه دئییب شعر و غزل،طنز«کل اوغلان»

«وورغون» کیمی بیر شاعیر دوران اولان بیلمَز!


پنجشنبه 29 اسفند 1398
بؤلوملر : غزل طنز ترکی,