ائششکلردن پالانلاری

یالان سؤزلر ساتانلاری

مؤفتَه یئیب یاتانلاری

"اوغورلاماق ایسته ییرم"


اویرنجینی،اؤیرتمنی

نقشه اؤستوندن وطنی

داغلارین اؤستوندَن چَنی

"اوغورلاماق ایسته ییرم"


غوصّه لری،کدَرلری

یالان یالان خبرلری

قضالاری،قدَرلری

"اوغورلاماق ایسته ییرم"


آغیزلاردان نوختالاری

اورکلردَن شاختالاری

آخماقلرای،آختالاری

"اوغورلاماق ایسته ییرم"


پیس شی لر گؤرَن گؤزومو

اثر سیر شعریم،سؤزومو

یالان دونیادان اؤزومو

"اوغورلاماق ایسته ییرم"


پنجشنبه 29 اسفند 1398
بؤلوملر : شعر طنز ترکی,