رباعی لار

یازار : علیرضارضائی

+0

زاهد:

تخت اؤسته اؤپوشله آلدی پول آرواددان

کئفلندی واولدو لول ِلول آرواددان

 

زاهدکی دئییردی شهوتی ترک ائله دیم»!

بیرثانیه دَه دویمادی دول آرواددان!

وایبر:

افکاریمی هم قراریمی الدن آلوب!

راحتلیغی،کسب وکاریمی الدن آلوب!

 

«وایبر»دئمه بلکه قوجاجادوگردور!

معشوقه می،اختیاریمی الدن آلوب!!

 وارلیق:

«حاجی رمضان»خلقین ایچینده تک ایدی!

مؤمن دی ولی همیشه غرق شک ایدی!

 

غیرتلی آدام،همیشه دؤزیول گئتمیش

هئچ شی یوخودو،وارلیغی بیرائششک ایدی !!


محضردَه کی اوغلانین آدی«بابک» دی

یازار : علیرضارضائی

+0


مهریه :
محضردَه کی اوغلانین آدی«بابک» دی

اوقاش قاراگؤزقیزین آدی«پوپک »دی

 

قیز شادایدی زیراکی روایت اولدو

مهریه سی ایککی مین عدد سنگک دی !!


 باشماق :

بیر یوخسول آدام اولدو دَمَر قوزادیلار!

یازیچی یاراتدی بیر اثر قوزادیلار !!

 

سیزلرکیمی بَرک ساخلادیم جیبلریمی

باشماغیمی مسجددَه اگر قوزادیلار !!



 قاچدی :

شرمنده اولوب آتاسی قیزدن قاچدی !

غاز،جوجه،تویوق،کباب بیزدن قاچدی !

 

رحم ائیلمَه دی ذرّه جَه آج قارنیمیزه!

سنگک له لاواش سفره میزدن قاچدی !



آغلاما :

اجناس باهالاشدی دئمه واری گئنه !

چایچی!منه وئربیراستیکان گئنه !


غرغرائلمَه بیرایش الیندن گلمز

قهوه خانادا آغلاماهای های گئنه !!


واجب :

یاخچی آداما همیشه شک واجب دیر !

دؤز یول گئدن اینسانا کؤتک واجب دیر !


مُفتی دئییلم ولیک فتوا وئردیم

بوجامعه دَه یالان دئمَک واجب دیر !!




  • [ 1 ]