نییه بواتفاق شوم دوشدو

یازار : علیرضارضائی

+0
نییه بواتفاق شوم دوشدو
نییه قازماق باداگئتدی قازان دان؟

خروزلاریوخلاییبلارکندیمیزده
نییه قارداش خبریوخدوراذان دان ؟

نییه ملت اولوب اوغرو،یالانچی
نییه یاددان چیخیب صلح وصداقت؟

نییه یالقیزدیلاردایم ار-آرواد؟
نییه افسانه دی عشق ومحبت ؟

نییه دونیادابیرمجنون تاپیلمیر؟
نییه عاشق ده اصلا دردوغم یوخ ؟

نییه لیلی گورونموردوره میزده
نییه افسانه دی اصلی،کرم یوخ ؟
💫💫
گونش چیخدی،گئنه ایستی اوجالدی
گئنه سئومک دن ای جان ائیله صحبت

اکینجی لراکیربوغداگئنه سن
محبت اک،محبت اک،محبت

#علیرضا-رضائی

turkcetanzler@

قد یملرشاد ملت آغلاماردی

یازار : علیرضارضائی

+0

قد یملرشاد ملت آغلامازدی

صداسیما دا دولت آغلامازدی

 

موعللیم حالینا تبعضلردن

کلاس وتخته،نیمکت آغلامازدی!


هریانی دولدوردو درد و غم،طلاق

یازار : علیرضارضائی

+0



هریانی دولدوردو درد وغم،طلاق

باب اولوب هریئرده بیش وکم طلاق

 

بوسؤزون هئچ عیبی یوخدورقارداشیم

آرواد آلماق یاخشی ایش دیرهم طلاق

 

بیلمه دیم معناسینی سیزسؤیله یین

بال کیمین دیر؟یا آجی بیر سم طلاق؟

 

دونیادااوّل چیخیب ایرانیمیز

بس کی ایرانلی آلیرهردم طلاق

 

گویچک آروادبیراوجاسسله دؤنن

سؤیله ییردی کوچه ده محکم:«طلاق»

 

دادگاهدایدی بوگون افراسیا ب 

وئردی اؤز آرواد ینارستم طلاق!

 

دفتری آچدی منه ملا د ئدی:

«ثبت اولوبدوربوردابیرعالم طلاق»!

 

چون طلاق آلماق بیرآز آسان اولوب

یاشلی آروادلار آلیرنم نم طلاق!

 

هم دده،هم قیز،هم اوغلو،هم دایی 

هامّوسی آلدی دؤنن باهم طلاق!


اوره گیم یاندی بو گون سفره ده ای اَت سن سیز

یازار : علیرضارضائی

+0

اوره گیم یاندی بو گون سفره ده ای اَت سن سیز!
گل قاییت سفره یه چون قالمادی طاقت سن سیز!


بؤیوگ اوغروبالاجا اوغرویا یازدی:یؤلداش
ایله دیم هامّی وطنداش لاری غارت سن سیز !


گرچه آلله دئیل سَن بیزه ای پول؛آمما
ائله مز بیر نفر آللاهَاعبادت سن سیز!

ای تویوق توتما یوزون چون کی آجیندان اؤلاجاق
بودوکانچی،گؤزوآج،اوغروجماعت سن سیز!


هاردا سان؟من سنی چوخدان گَزیرم ای وجدان!
اولدوبوجامعه میز گؤرنَه کثافت سن سیز!


یورغان آلتیندا دئدی بیر کولی آرواداَرینه:
«گئجه گؤندوز گزیرم هر یئری راحت سن سیز»!


لطفون اؤلسون بیزه؛ترک ائتمه بیزی«یارانه »
دلی -دیوانه اولار چون کی بو ملت سن سیز!!


بیرنفرقووزادی،ساتدی ترَنی

یازار : علیرضارضائی

+0

بیرنفرقووزادی،ساتدی ترَنی!

بیرنفرده باداوئردی وطنی!

 

بیرنفرپول آپاریرگیزلیندن

بیری دَه یوکله دی ارزی علنی!

 

شیطانین وصفینی چون ائیله دیلر

قونشوموزگلدی داشاباسدی منی!

 

بیرچهارراه داچیخارتدیم وئردیم

گدالارآلمادیلارمین تومنی !!

 

پارکاگئتدین ائله مه پارکی خراب!

اولان ائششک کیمی ازمه چمنی!

 

منه هئچ کس دانیشابیلمزدی

ویردی آمماباهالیق تودهنی!!

 

کفن اوغروسونانفرین ائله مه

آی کیشی سؤیمه،دئمه:پست ودنی،

 

اؤلویه گؤردَه تجاوزائله ییب

آپارارسونراکی اوغروکفنی !!

 

چون ریاست سنه چاتدی حاج آقا

قویمامیزدالیناهریول کسنی!

 

عاشیغام من سنه فرهادکیمین

سئویرم آی پارا جان من دَه سنی!

 

آغریسی قالدی ولی گؤرمه میشم

گؤزوم آلتیندابادمجان اکنی!

 

خوشوماگلدی ولی دانلاییرام

گؤزل اوغلانی گلین تک بزه نی!


یوخسولون بس کی قالین دیردریسی

داهااؤزدن آپاریب کرگدنی!


چون قلم آلدین اله بیرآزاوتان

یازار : علیرضارضائی

+0

چون قلم آلدین اله بیرآزاوتان

خلق ایچینده سکسی سؤزلردن دئمه!

 

یازدوداغلاردان ولی وصف ائیله مَه

اوخومار- شهوتلی گؤزلردن دئمه!

 

اوغروائششکلرسنه جفتک آتار!

اختلاسچی آغ اؤکؤزلردن دئمه!!


دوشوب زینداناکندین شهرداری

یازار : علیرضارضائی

+0

دوشوب زیندانااوغروکارمندی

گؤزوآج باش کندین شهرداری!

 

دئدی مش رستمآروادآلدیم،اولدوم

من اوگیسوکمندین شهرداری»!

 

گؤزل اوغلوم زمین خوارلیقدان ال چک!

اگراولدون «مرند»ین شهرداری!

 

اگرال چکمَه سن،بیرگؤن اولارسان

درین زینداندابندین شهرداری!

 

منی آلقیشلادی چونکی ائشیتدی

بوشعری«تاشکند»ین شهرداری!!

 

آلقیشلادی :تشویق کرد



جوجه،تویوق،رانا ا لیم چاتمادی

یازار : علیرضارضائی

+0


جوجه،تویوق،رانا ا لیم چاتمادی
دلبرجانانا الیم چاتمادی! 
 

لوت گزیرم کوچه ده مجنون کیمی 
دینمه کی تومّانا الیم چاتمادی !


توتدوم اوروج،کعبه ده قیلدیم ناماز !
آللاها،ایمانا الیم چاتمادی! 

میزی سِئوَن حاکمی گئتدیم گؤرَم
هئچ درودربانا الیم چاتمادی ! 

گلدی یوخوما «حاجی اکبر » دئدی: 
 !«حوریه،غلمانا الیم چاتمادی» 

سن هله مین موفته «پرادو»لاری 
دنده یه،فرمانا الیم چا تمادی! 

شیطانا درس اؤیره د یسن،هی دئمه
ایزد سبحانا الیم چاتمادی! 

سفره قیراغیندا اوتوردوم،ولی 
قیمه،فیسنجانا الیم چاتمادی! 

دیش وئریب آرپا چورگین وئرمَدی 
صاحب دندانا الیم چاتمادی! 

قسمتم اولدوغم وحسرت یئمَک
باغا،گؤلؤستانا الیم چاتمادی! 

تاکی سیزین وارلیقیزی یوکلیه م
پیکانا،نیسانا الیم چاتمادی!

قویمادیلارکی اؤزومو اؤلدوروم
نقطه ی پایانا الیم چاتمادی !!


وطن دَه گرچه هئچ تبعیض یوخدور

یازار : علیرضارضائی

+0

وطن دَه گرچه هئچ تبعیض یوخدور!

بیری آجدیر،بیری دَه خوش نشین دیر!

 

دلیک آفتافانی قوزاسایوخسول

دئیرلرآفت دونیاودین دیر!

 

اونوحبسه سالیب،تبعیدائدرلر!

کی خُسران تمام مؤمنین دیر!

 

بیراوغروصاحب اولسا چاه ِنفتی

دئیرلرچوخ گؤزل انسان،درین دیر!

 

اونوآلقیشلاییب مَردُم دئیرلر

چوخ اندیشمنددیر،کارآفرین دیر!

 

دؤزاینسان شهرلردَه گؤرمَه دیم هئچ!

الی اگری آدام یوخدوریقین دیر!!


الهی سَن نییَه یاری یاراتدون

یازار : علیرضارضائی

+0

الهی سَن نییَه یاری یاراتدین؟

نییَه مجنون گرفتاری یاراتدین؟

 

نییَه اوغرولاری دونیایاگئتدون؟

گؤتوبوش«حاجی مختاری»یاراتدین؟!

 

ندَن ایرانلی نی لاپ اختلاسچی!

الی اگری وبازاری یاراتدین؟!

 

بیرینی آوروپاداغرق عشرت!

بیرینی غرق درزاری یاراتدین!

 

بیزه پول وئرمه دین،آممالیمونو

دوداغی قیرمیزی ناری یاراتدین!

 

وئریب سَن وارلییادونیای ثروت!

الی بوش اینسانی ساری یاراتدین!

 

نییَه ایراندافرهنگی نی یوخسول!

گرفتاروقوجا-قاری یارتدین؟!

 

حرام ائتدون ولی سنتورودنبک!

قره نی،شیپوروتاری یاراتدین!

 

فیکیرلشدیم ولیکن بیلمه دیم هئچ

ندَن ائششکلری باری یاتدین!

 

پیشیک لرتک بیزی حسرت دَه قویدون!

نزارات قونشوگلناری یاراتدین!

 

آپاردین جنته پنتی آدامی!

بیزی دوزخده انگاری یاراتدین!

 

«رضایی»سن درین شعری بوراخدین!

سبک دیوان اشعاری یاراتدین!!


  • [ 1 ][ 2 ]