تلسمه

یازار : علیرضارضائی

+0


عجله ائیلمَه ای جان تلسمه

اولار جنّت بیزیم ایران تلسمه! 

حقوقون کی اولوب میزان امَکداش! 
اولاجاق هرزادین میزان تلسمه! 

ژنوده سؤیله دی «اشتون»«ظریفه»:

«گلر هی آشاغی تومان تلسمه» !

گئدر بواؤلکه دن پول جازلاماقی 
قاچاراوغرو بیزیم دامدان تلسمه  !

قوروموش غنچه لر بیر بیر آچارلار 
اولارگؤم گؤیداهاهریان تلسمه !

دئمه سن آی کیشی «سؤز اؤز سؤزوم دور»
وئرَر آرواد سنه فرمان تلسمه !

اگر کی آرواد آلدین یونگول اولما 
دئمه هی آروادا «جان جان » تلسمه !

حقوقونله گئدرسن انگلیسه 
«نیوکاسل»اولار «تهران» تلسمه!

بو تحریم لر اثر ائتمز،عزیزیم
قودوق صادر اولار آسان تلسمه !

سنی بانک باشقانی دایم سالاملار 
سنه ناز ایلمَز دربان تلسمه!!

-----------------------------------

تلسمه :عجله نکن 

امَکداش :همکار

اؤلکه : سرزمین ،کشورو...

جازلاماق : دزدیدن،کش رفتن و..

باشقان :رئیس

ات سیز،دوگوسیزسفره گولوستان اولابیلمز

یازار : علیرضارضائی

+0

ات سیز،دوگوسیزسفره گولوستان اولابیلمز!

یوخسول دیری قالساگئنه میزان اولابیلمَز!

 

یوخسوللاری ترغیب ائلمَه دؤزیولازاهد!

زیراآج آدام صاحب ایمان اولابیلمَز!

 

چاتمازکیچیک اوغروبویوک اوغرولاراهرگز!

پیکان وژیان خاورونیسان اولابیلمَز!

 

کارمندلباسیندایوزایل چاپماساخلقی!

ایراندا ایکی اؤزلوآدام خان اولابیلمَز!

 

یارانه لری قطع ائله دی دولت امّید

گؤلدودئدی :یارانه فراوان اولابیلمَز

 

کؤک سینه لری چوخ سئویرم بنده ولیکن

هرگزتویوغون کؤک سینه سی ران اولابیلمَز!

 

یااختلاس ائیلر یاالی اگری آدام دیر

بانک باشقانی ثابت اولوب اینسان اولابیلمَز!

 

هرچندگؤزل منطقه دیر«شهرنیویورک»

شک ایلمه بیرگوشه ی تهران اولابیلمَز!!

 

بااینکه دئییب شعروغزل،طنز«کل اوغلان»

«وورغون» کیمی بیرشاعیردوران اولا بیلمَز!


  • [ 1 ]