قاریشدی آسیای غرب واورتا

یازار : علیرضارضائی

+0

 قاریشدی آسیای غرب واورتا!

باهالاشدی تویوق،چای، ات،یومورتا!

 

ائدیبدیرسکته ایراندا اوجوزلوق!

یازیق میللت دوشوبدور زارت و زورتا!

 -------------------------------------------------

هلو صادر اولور قزوین،کرج دَن!

اوغورلوب وارلی اینسان کور،فلج دَن!

 

اوجاسسله دئییردی یونجالیغدا:

«سکینه دویمادی حاجی فرج دَن»!

 ----------------------------------------------

کنیزی ،فرشی ،فراشی آپاردی!

آغاجی،توپراغی،داشی آپاردی!

 

قوناق اولدوبیزه،بیر مومن انسان

قازانی قوزادی،آشی آپاردی!

 ----------------------------------------------

ایش اوسته پارتلادیم، جانیم جیریلدی!

حقوقوم آی باشینداچون وئریلدی،

 

اوزاندیم استیجاری ائوه،قونشوم

بئله اوستوردوکی باغریم قیریلدی!!


  • [ ]