اولوبلا بیزلرَه قارداش یا امام رضا

یازار : علیرضارضائی

+0

اولوبلا بیزلره قارداش یا ایمام ریضا

بیرعیدده فاسق و کللاش یا ایمام ریضا


ییخیب،چپاول ائدیبلر بوتون بو ایرانی

اولوبدو گؤزلریمیز یاش یا ایمام ریضا


بیر ایشده ائیله کی اولسون آغیزلاری سرویس

و توللا باشلارینا داش یا ایمام ریضا


بو‌ آج میللت اولوبدور یالان،فیریلداقچی

اراذیل،اوغرو و اوباش یا ایمام ریضا


باشیما شیره یاخیرلار مۆهندیس و دوکتور

ناخیرچی آشبازی، کففاش یا ایمام ریضا


بیرایل اولار ، کابابی ، دۆگونو گؤرنمه میشیم 

یوخودا هئی ایچیرم آش یا ایمام ریضا


یوزایلدیرآختاریرام هئی  تاپمیرام ، یوخدور

وطنده سئوملی یولداش یا ایمام ریضا


قارا باتاقدا باتیبدیر آداملیغین گۆنشی

تیراکتورون گتیرن کاش یا ایمام ریضا


دئمه جسارتی یوخدور اؤپوب باغیشلا منی 

اۆرک سؤزون دئییرم فاش یاایمام ریضا

  

گلیب قوناق سنه بیرتالان اولان اینسان

دئییل نه اوْغرو نه عییاش یا ایمام ریضا


turkcetanzler@


  • [ ]