اله آلدیم قلمی تا منه حرمت گتیره

یازار : علیرضارضائی

+0

اله آلدیم قلمی تا منه حرمت گتیره
بیلمه‌دیم آجلیغی،یوخسللوغو،ذلت گتیره !


الی بوش قالمیشام وعاقبتیم ناخوش دور
قلمی ساتمامیشام تا منه ثروت گتیره !


انتقاد ائتمک ایله آرتیق اولوب دشمن‌لر
کیم دئییب‌ کی قلم اؤز اهلینه دولت گیتره؟!

یازمایام تا که اونون عیبینی،زاهد گئتدی 
آغزیمی باغلاماغاحوری جنّت گتیره !!

ملتین دردینی شعرینده یازان شاعیردیر
خلقه عزت ائله‌ین شاعیره عزّت گتیره 

 شعر یازدیم که بوشالسین اوره‌ییم غملردن
یازمادیم شعری کی  بیر گون منه شهرت گتیره !


turkcetanzler@


  • [ ]