بیر قادین ائتدی شکایت قاضیَه

یازار : علیرضارضائی

+0

بیر قادین ائتدی شکایت قاضیَه

 تا طلاق آلسین یئنه گئتسین اَرَه


باشینا چکمیشدی بیر آغ چارشابی

گؤرسه نیردی گؤزلری پارلاق ، قَرَه


باخدی شورگوز قاضیَه ،قاضی دئدی :

«قلبیمی آلدین آپاردین یکسره»!

 

دوتدی آرواد جانبین ، شرم ائتمه دی

 حقی وئردی ظولمولَن اؤل دلبره

 

آنلادی بو ماجرانی اؤز اَری

چادرانی سالدی باشیندان یئره

 

گؤردی او قاضی کی چیرکین دیر یوزی

سؤیلَدی : منشی ؛ تئز اؤل ؛ یاز دفتره


«گؤزلرین مظلوم گؤزودور آی قادین!

اوخشاییر آمما یوزون ظالیم لَرَه»


  • [ ]