قوزادیلار هرزادی جان اؤغرولار

یازار : علیرضارضائی

+0


قوزادیلار هرزادی جان اؤغرولار

 آه!یامان اؤغرولار!

وئرمه دیلر خلقه آمان اؤغرولار              

 آه!یامان اؤغرولار !
جازلادیلار شورتو،گودَه تومّانی      

 ایستیکانی؛فینجانی!

باخمادیلار یاپما یاپان اؤغرولار             

آه!یامان اؤغرولار!

پارچالاری قؤزادیلار،بیچدیلر!            

طؤی داعرق ایچدیلر!

وئردیلر آخشاملار اذان اؤغرولار!        

آه!یامان اوغرو لار!  
گؤل،چیچک احساسا زیان ووردولار!     

هردوروما دوردولار!
ایله دیلر عقلی تالان اؤغرولار!           

آه!یامان اؤغرولار!  
قلبیمیزی آغری اؤلوب سیخدیلار!         

جامعه نی ییخدیلار!
زلزله،سئل،داغدا دومان اؤغرولار!   

آه!یامان اؤغرولار! 

خوش باخاسان معلوم اؤلار اؤخدولار!

 رشوه آلیب،سؤخدولار،

...لره هر یئرده تیکان اؤغرولار!        

 آه!یامان اؤغرولار!
سایغی لاری وار،کیشی ،خان اؤلدولار!  

 خالقا «باخان»اؤلدولار!
سئل کیمی هریئردن آخان اؤغرولار        

آه!یامان اؤغرولار!
باخمادیلارریوخسولا،وارلی لارا!            

یؤللادیلار آمبارا!   

    «زانتیا»،«پیکان»و«ژیان»اؤغرولار
آه !امان اوغرولار!

یؤلچولاری،جاده لری میندیلر               

ساده لری میندیلر!

هَر دوروم وچاغدا چاخان اؤغرولار!       

 آه!یامان اؤغرولار!
آهنی،ماشین دالینا آتدیلار               

یاش کفنی ساتدیلار!

جمعه گئجه قبری قازان اؤغرولار        

آه!یامان اؤغرولار!
ساخلادیلار ائوده قوجا اؤغرونو         

 باشی اوجا اؤغرونو!   

چونکومریض اولدو جاوان اؤغرولار!    

آه!یامان اؤغرولار!
ائششگی ایدی سِئومَلی ماشین لری!      

خشت ایدی بالین لری!  
وارلاری«لگزوز»و«مگان»اؤغرولار     

آه!یامان اؤغرولار!
رحم ائله میرلر آجورا،کَرپیچه       

واشره،شیر،سرپیچه!
عشوه ساتان یونجا،سامان اؤغرولار!   

آه!یامان اؤغرولار!
آی تالان اؤلموش ائلَمَه ناله سَن        

چک یاشووا ماله سن!
بیز گئدریک بوردا قالان اؤغرولار!         

آه!یامان اؤغرو لار

جازلادیلار:دزدیدند

گوده تومان :شلوارک

دوروم:ایستگاه

چاغ:زمان

تالان اولموش:غارت شده

باخان :وزیر


  • [ ]