باها لیق سا لدی طوفان بیر طرفدن

یازار : علیرضارضائی

+0

باها لیق سا لدی طوفان بیر طرفدن
ائدیبدور خلقی حیران بیر طرفدن !


گئدیر هر گؤنده قیمت لر یوخاری
اولوبدور خلق نالان بیر طرفدن !


گؤزوم قیمت لره تا کی ساتاشدی
اوره گیم اؤلدی بریان؛بیر طرفدن !


داها رستم حریف اولماز دلاره!
گَلَه سام و نریمان بیر طرفدن !


سارالدی غصّه دن یوخسول اوشاقی
یوخ اؤز دردینه درمان بیر طرفدن !


منی تحریک ائدَر بازار ایچیند ه
تویوقلار سینه سی؛ران بیر طرفدن !


بوراخدیق گئتدی انصافیله؛وجدان !
بوراخدی قاچدی ایمان بیر طرفدن !

 
منی تعقیب ائدور «اصغر دُکانچی»!
بوراخمیر«حاجی قربان»بیر طرفدن !


خیاباندا باشی سا لدیم آشاقی
دئدیم هر آروادا «جان»؛بیر طرفدن !


منی چؤخ دانلاییر آرواد ائویمده !
اؤ اؤزلو خیردا «مژگان»بیر طرفدن !


قؤواردیم آروادی؛قاچدی دام اوسته
جیریق یَل؛قیسّا تومّان بیر طرفدن !


قاچیبدیر ائشَّگیم خرمن باشیندان
دوشوبدور یولدا پالان بیر طرفدن !


سئویر مشدی«مولودی»«حاجی اصغر»
یریکلیر«حاجی رحمان»بیر طرفدن !


دول آروادین دالیجان وار اوشاقلار!
اؤلوب قیز؛بعضی اوغلان بیر طرفدن !


قادینلار یازدیلار:قزوین دَه جمعه
گَرَک اولسون خیابان بیر طرفدن
! ! ! ! !

معنی  بعضی واژه ها 

ساتاشدی  : خورد//سارالدی : زردشد//یوخسول : فقیر،تنگدست // دانلاماق : سرزنش

سئومک : دوست داشتن // قادین : زن // دول آرواد : زن بیوه


  • [ ]