الاغین آدینی جیران قویوبلار

یازار : علیرضارضائی

+0

الاغین آدینی جیران قویوبلار !

پیشیکین آدینی آسلان قویوبلار!

 

اداره بوش دور آمما یول کسَن لر

قاپی قانشارینا دربان قویوبلار !

 

بویورگل« قزوینه» ،بانکین اؤنونده

بوخالقا جایزه اوغلان قویوبلار !

 

اوره کلی اختلاسچیلار بوگونلر

سیزین تک بیزلری حیران قویوبلار !

 

ممه، لاستیک ممه نی قوزاییبلار!

بیزیم ایچین بیر جیریق تومان قویوبلار !

 

دئییردی بیرقوجاکی سکسی گونلر

گئدیبلر کونلوموویران قویوبلار»!

 

دئمه هرگز یئیبلرموفته رشوه

بویولدا رشوه خورلار جان قویوبلار !!

 

دئدی بیر عارف انسان بیرقیزیل سؤز:

«گدانین آدینی سلطان قویوبلار »!

 

ازلدن اوستوراقچی دیر ولیکن

یازیقلارآدینی «ریحان» قویوبلار!

 

جیران : آهو / آسلان : شیر /قانشار : مقابل/ یول کسن : دزد،راهزن/اؤن: جلو. بانکین اؤنونده : جلوی  بانکِ / خالق :خلق،مردم. بوخالقا : برای این مردم / کونول : دل ، قلب / قیزیل : طلا.قیزیل سؤز: سخنی ارزشمند/ یازیق : بینوا، بدبخت.یازیقلار : بیچاره ها/ ریحان : گیاه خوشبو

 


  • [ ]