آلتمیشلار ، یئتمیشلر :

یازار : علیرضارضائی

+0

آلتمیشلار ، یئتمیشلر...


بسم الله الرحمن الرحیم

گوزل كیتابلاری تانییاق

كیتابین آدی

آلتمیشلار ، یئتمیشلر...
60و70- نجی گونش ایللرینده سؤیله نیلن شعرلردن سئچیلمیش مجموعه
اوستاد غلامرضا مجدفر
نشره حاضیرلایان:دوكتور مرتضی مجدفر
علمی ناظیر :دوكتور حوسین محمدزاده صدیق
تایپ – كرافیك ایشلری :آرزو صفرخانلو
نشرین موشخصاتی:طهران –انتشارات پیشگامان پژوهش مدار – 1393-220 (ص)
ساتیشی :12000 تومن
كیتاب ایلك  مقدمه یئرینه  یورولماز شاعرعنوانلی بیر یازیلا دوكتور مرتضی مجدفرین قلم یله باشلانیر.  اوردا رحمتلی  اوستاد غلامرضا مجدفرین دوغومونا-حیاتینا-عسگرلیقینا- دوسلارینا – اولان انجمنلرده – عائله سیسبك لرینه  اؤتری بیر باخیش گئدیر .
ایلك شعری( قوجامان شاعریمیز هشتاد یاشیندا) شعریله باشلانیر .گوزل – گوزل ،درین مضمونلو – یوخاری  معنالی  صورتده ایدامه تاپیر .....آخیردادا( سون شعرله) سونا یئتیر  --آذربایجانیمیزین فخری سایلان دوكتور مرتضی مجدفرین  اللری آغریماسین ، گوزل آتاسینا رحمت ایله سین . حتمی  هامیمیز  بو سوزه اینانیمیز وار كی  دوكتور مرتضی مجدفر  نه اینكی بو آتاسیدی یوخ  بوجور  فیكر صاحبی اولان اینسانلارین  همیشه فیكرینده  اوزه لیكله  آذربایجانیمیزین ادبییاتینا  گئجه– گوندوز زحمتی وار بوندان  بویانادا  اولاجاق.
بیر نمونه شعر بو كیتاببدان

حیات یولداشیما

غملی زندانیم

جهاندا هر كسه نین بیر شیئه  علاقه سی وار
منیم ده طره-ی مویینله بسته دیر جانیم
نه گلدی،قول-قانادین سیندی،شهپرین یولونوب
نییه اوچانمیسان ای پر شكسته طرلانیم
زمانه صیادی تئز اوخلادی ،نه گلدی سنه
سورودن آیری دوشوبسن ،گول اوزلو جئیرانیم
بو عهدوپیمانیمیز قبره دك گئده ر بیزیله
اینانمیشام بونا من ،یوزده یوز وار ایمانیم
خزان یئلی گوزه لیم  اسمه میش نه تئز سولدون
نه تئز گلیر باهاریم ،اوتمه میش زمستانیم
سوساندا سن گوروسن روحومون قوشو سوسالیر
حیاتدا دویورام ،ترسه ایشله ییر قانیم
بهشت و روضه-ی رضوانی،سن سیز ایسته مه رم
سنیله جیلوه له نیر ،گلشنیم،گلستانیم
اوتوز بئش ایل ده ،اوزون عومردور ،چوخ آزدا دئیل
هله یئنه تازادیر خلق ایچینده دستانیم
یوز ایللریله قالار دادلی دوزلو خاطیره لر
اینانما تئز چیخا یاددان سوزوم ،آدیم ،سانیم
طبیب لر چكه صف ،دردیمه علاج اولماز
خومار باخیشلی قاراگوزلرین دی درمانیم
بو ائویمین نورو سنده دیر،دو دولان
یاتاندا سن ،دا ائو اولمور بو توزلو سامانیم
اینان عزیز-ی دیلیم ،بیر گون اولماسان ائوده
بو مسكنیم ،اولاجاق ،دردلی –غملی زندانیم

به نقل از وبلاگ كئفلی ایسكندر. استاد محمدعلی برزگر

kefli.blogfa.com

آزالدی :

گئتدیكجه یوخاری سن و سالم

یورغون بدنیمده قان آزالدی

 

قول – قیچ كوته لیب ،دولانماغیندان

قدرت آزالیب ،تاوان آزالدی

 

آخشا ملادی كاروانیم ،یورولدو

یار- یولداشیمیزیامان آزالدی

 

توی مجلیسی دوندو،یاسه چوندو

نقّاره –قاوال چالان آزالدی

 

خلوتدی بازارآلیش – وئریشدن

مئیداندا قاطیر آلان آزالدی

 

دوشمن قاباغیندا،جبهه لرده

گؤل دسته سی تك جاوان آزالدی

 

ایللر بویوتلله نن سیلاحلار

محواولدو،اؤلوب- قالان آزالدی

 

دوست دوشمنیمیز كناره گئتدی

پیس گونده یاداسالان آزالدی

 

نیروی نظام-ی شرق و غربین

هانسی چوخالیب ،هایان آزا لدی

 

آنجاق بوكلامی دانماق اولماز

مال-دولتیمیز یامان آزالدی

 

اینسانلاراولوب،آدام توكندی

ائششك چوخالیب ،یالان آزالدی

 

قورغو قورولان تازا روشده

كیم گؤردی بیر آز یالان آزالدی

 

قانون-ی قصاص و حدّوشاللاق

كلاش و آدام سؤیان آزالدی

 

ویرانه وطن ،بهشته دؤندو

یاخشی اؤلدو،تزیب –قاچان آزالدی

 

تورپاق باهالاشدی گئتدی اوجه

یوزشكر،وطن ساتان آزالدی

 

من باور ائدیب ،گؤلوب رفیقیم

گؤزووردو ،دئدی :هاچان آزالدی

تهران،25/1/1371



  • [ ]