بیر عومور گئچدی کی من هر ایشده دقت می کنم

یازار : علیرضارضائی

+0

بیر عومور گئچدی کی من هر ایشده دقت می کنم
در لباس فقر کار اهل دولت می کنم !

تا اوغورلام مردمین حاققینی اوغرولارکیمین
در کمینم وانتظار وقت و فرصت می کنم !

هم من اوغرو ، هم قوجا ؛ مؤمن رئیسیم اوغرو دیر
در حضورش نیز می گویم نه غیبت می کنم !

غم یوخومدور گر گوجوم پؤل قوزاماقا چاتماسا
از رفیقانِ رَه استمداد همّت می کنم !

سؤیله دیم باللی دوداق ؛ آی پارا ؛ اوغرو مُنشییَه
لطف ها کردی بُتا تخفیف زحمت می کنم!

چوخ اوغورلا ، آزلا قانع اولما ، وجدان سیز یاشا
یاد دار ای دل که چندینت نصیحت می کنم !

آچمیشام بیر وودکا ، آللاهیم باغیشلا سن منی !
زین دلیری ها که من در کنج خلوت می کنم !

توی دا مشروب ایچمیشم ، مسجدده مدّاح اولموشام !
بنگر این شوخی که چون با خلق صنعت می کنم!!


 عومور : عُمر/ حاق : حق/ سؤیله دیم :گفتم/ باللی دوداق :لب عسلی/آی پارا : زیبا/ بت : استعاره از معشوق زیبارو/ تخفیف :کم کردن/شوخی : گستاخی/ صنعت : حقه بازی،دورویی/


مطایبات رادرآدرس زیر بخوانید :

مطایبات 


پولوم یوخ قالمیشام حسرت کبابه

یازار : علیرضارضائی

+0

پولوم یوخ قالمیشام حسرت کبابه !

 جیریلدی شالواریم ، دوشدوم عذابه !

گئدیب باش چکمیشم یوز دفعه گونده

توکوب یارانه نی دولت حسابه ؟!

یئر آلمانی بو ملت چونکی سئچدی

 دئدیم مین آفرین بو انتخابه !

اروج دوتدوم ، ناماز قیلدیم من ، آمما

بهشتی وئردیلر « حاجی ترابه» !

گئدیر هر لحظه قیمتلر یوخاری

سالیر خلقی تکان و اضطرابه !

جیبیم بوش دور ، ولی هرگز دئمز یوخ

من ائلچی گؤندَرَم «حاجی ربابه»!

یازیب بو جمله نی :«اؤغرو عَلعَسگر!

گوموش خودکاریلَن زَرّین کتابه :

اونودا قوزارام بانکین پولو تک

 اَلیم چاتسا منیم گَر آفتابه» ! !

تاپیب قیز یولداشی «حاجی یالانچی »

 تیکیب گؤز ، عشقه ؛ حاله ، رختخوابه

خبر گلدی دونن آرواد اوشاقین

 بوراخدی قاچدی قزویندن سرابه ! !

دوغوم گوندن چکیر حسرت الی بوش

یازار : علیرضارضائی

+0

دوغوم گوندن چکیب حسرت الی بوش

آلین یازیسی دیر ذلت الی بوش

 

بیرآرواد وارسککیز دوققوزاوشاقی

ائدیب تولید ده شرکت الی بوش

 

فلاکت دریاسیندا غرق اولوبدور

نجاتا تاپمیوب فرصت الی بوش

 

قوناقلیغا ائشیتدیم دعوت اولدو

تویوغا وئرمه دی مهلت الی بوش

 

بوراخدی آروادی آجلیق گوجوندن

دؤنن تاائیله دی وصلت الی بوش

 

باغیرساقی اولار آباد اگرکی

گتیرسین یوزمین ایل طاقت الی بوش

 

اؤله ر بورجون سونوندا،بورج باشیندا

دیری دیر بیر نئچه مدّت الی بوش

 

بهشته ایسته ییر یول تاپسا ،شاید

بیر آزجا ائیله سین عشرت الی بوش

 

اون – اون بش درصدی وارلی،ولیکن

تپرسیز،آج،بیر ملت،الی بوش

 

پولون اولسا کیشی،ارباب،آغاسان

اگرکی اولماسا،نکبت الی بوش

 

توکوب یارانه دولت،بانک اونونده

توتوب هرکیمسه دن سبقت الی بوش 



داغلاری باسیب دومانلی قیش اینسانلار

یازار : علیرضارضائی

+0

قیش

داغلاری باسیب دومانلی قیش اینسانلار

یوخسول آدام اولدو مات و کیش اینسانلار !

 

وجدانسیز اولوب دوکانچیلار،کاسیبلار!

دونیانی توتوب کسیلمه میش اینسانلار!

 

شیره :

آزاده لری زمانه زنجیره چکیر!

اینسانین ایشی سونوندا تعمیره چکیر !

 

گؤردوم کی بوروزگارچکیبدیر شیره سین!

شاعیراوتوروب خرابه ده شیره چکیر !

 

کسیلمه میش : بی انصاف // سون : آخر،پایان //سونوندا : در آخرکار


بایاتیلار :

یازار : علیرضارضائی

+0

چاققال:

سلام اولسون داغلارا

یئنی،اسکی چاغلارا

 

آسلانلاری قوومایین

چاققال گلر باغلارا!

سس:

گلیردی دامدان سسی!

عطیرلی دی نفسی !

 

سسله ییردیبیر کسی

آچیلمیشدی سینه سی!


اینترنت دریاسی :

سون یوخو دالغاسیندا
بیر دونیا سئوداسیندا

آهای کؤمک بوغولدوم
اینترنت دریاسیندا !

یالوارماق:

شا لواریم آی شا لواریم

سن سیز عجیب حال واریم!

 

جیریلمه دورد بش ایلده!

سنه نه قدر یا لواریم!


دونیایا بئل باغلاما ؛ زیرا کی دونیا فانی دیر

یازار : علیرضارضائی

+0

دونیایا بئل باغلاما ؛ زیرا کی دونیا فانی دیر
گول ،آجیتما گول یوزون ؛ چون آغلاماق نادانی دیر !

سالدی یئل بیر شی حیاطا ناگهان گؤردوم کی وای !
قونشومیز «مش مه لیقا»نین ییرتیلان تومّانی دیر !

اعتراض ائتدیم مگر یاشلی آدام شورگوز اولار ؟
سؤیله دی :«زر وورما سن چون باخماقیم عرفانی دیر »!

گئتمه ییب زیندانا بیر ساعتده میلیارد اوغروسو !
قؤزاسا بیر آفتافا یوخسول آدام زندانی دیر !

سؤیله دی افغانلی آرواد :«آی اوشاق چوخ گؤزله سن !
قونشولیقدا ایشله ین اؤل کارگر ایرانی دیر»!

کندیمیزده آنلاماز «حاجی رسول»ین ائششکی
وارلی اؤلموش آی کیشی یوزمین تومان پالانی دیر !

آلدادیر خلقی دوداقیم طنز شعره ؛گولماقا !
ساغ گؤزوم آغلور همیشه ؛ سول گؤزوم طوفانی دیر !

 



لیلی و مجنون تركی :

یازار : علیرضارضائی

+0

مجنونین آتاسی چون ائشیتدی
باشدان بالاسینون عقلی گئتدی

لیلانی سئویر اونو بوراخمیر
بیر آیری قیزا اؤلوردَه باخمیر


توتدو یاخاسین ، توپوردو :«ائششك»!
لیلانی بوراخ ،گل اوندان ال چك !


بنزیر بو قیزین گؤزی سیچانا !
راست لاشمادا بو قارا ایلانا !


نادان قودوقی گل ایشه چكمه !
هی دامدا اوتورما شیشه چكمه !


دونقوز دده سی پاخیل آدامدیر !
لیلی اؤزوده كسیل آدامدیر !


گؤزله ! گئنه منجلابه انمه !
ال ساخلا ، یازیق ،كؤمور به ینمه »!


مجنون كی بو سؤزلری ائشیتدی 
ووردی دده سین ؛ باشین داغیتدی !


فورا اونو بیر جاوالا تپدی !
بنزین گتیریب جاوالا سپدی !


یاندیردی آتاسینی تیكان تك !
چكدی آتاسین اوتا ژیان تك ،


وجدانی اونو ملامت ائتدی !
بیچاره كلانتری یه گئتدی !


باشدان باشا یازدی ماجرانی 
آغلاتدی پلیسی ، پاسبانی !


زیندانا آپاردیلار «نظامی»!
قانماز اؤكوزی،سفیه آدامی !


لیلا نی ده آلدی بیر گول اوغلان !
بو ساتیریك حیكایه مه گول اوغلان !..


قارداش اوخوما حیكایه می سن !
دوز سَپمَه موشم حیكایه مه من



یار یولوندا گئتدی تومّان نیزهم

یازار : علیرضارضائی

+0

یار یولوندا گئتدی تومّان نیزهم !
دل فدای او شد و جان نیز هم !

هی سوروشماائو واری؟ماشین واری»؟
یار ما این دارد و آن نیز هم !

اؤ آجی شیرین بوراخدی فرهادی !
عهد را بشکست و پیمان نیز هم !

بیر شاپالاق وورموشام بیر قاضیه !
گفته خواهد شد به دستان نیز هم !

غم یئمه،زندانی چَک،چِک اوغروسو !
بگذرد ایام هجران نیز هم !

ایسته ییرسن شادلیقی اوغرو یاشا
گفتمت پیدا و پنهان نیز هم !

یول تاپار ایرانلی اوغرو هر یئره !
بلکه بر گردون گردان نیز هم
!

قورخمارام مست ائیله مکدن می گتیر !
بلکه از یرغوی دیوان نیز هم !

»
خواجه حافظ»میز دالیندا رشوه ییر !
و «آصف ملک سلیمان »نیز هم !

 

یرغو (واژه ترکی/مغولی )به مغولی به معنی : عدلیه واستنطاق و مرافعه

درشعر حافظ :قاضی،داور

 


آج قالیب بس کی اوشاق ونگ ویریروق وق وق

یازار : علیرضارضائی

+0

آج قالیب بس کی اوشاق ونگ ویریروق وق وق !
آناسی باشینا کفگیری چالیرشق شق شق !

سوء تغذیّه توتوب بو قوجامان جامعه میز !
سسلنیر دیشلری هم قیچلاری هی لق لق لق !

چالما مظلوم آدامین بارماقوویلان قاپی سین
قاپیوی چالمیاتاچکّش ایلن تق تق تق !

اوکی آللّاهیمیزا ذرّه جه ایمان یوخودور
خلق ایچینده هامی یئرده جیغیریر حق حق حق!

نر گویرچین دئدی ویران یووا دا ماده سینه :
«سنی چوخ ایسته ییرم باور ائله بق بق بق»!



الین بوش دور؟ دگیرمانی اوغورلا

یازار : علیرضارضائی

+0

الین بوش دور؟ دگیرمانی اوغورلا!
عرق گیر،شورتو،تومّانی اوغورلا!

هامیدان رشوه آل،چاپ خلقی،قورخما!
سن اولما محترم؛یانی اوغورلا!

پلاکارت اوستونه بازاردا قارداش
اگر یازمیشدی«ارزانی» اوغورلا!

اوتور یولداشلارینلا دوز چؤرک یئ
گئدنده پارچی،لیوانی اوغورلا!

الین چاتماز«پرادو»،«زانتیا»یا
«قودوق مزدانی»،«پیکانی» اوغورلا!


مسافرکش لباسیندا گل اوغلان
گئنه میندیر«سمیرا»نی اوغورلا!

آتاسیندان اوتانماقاچ،آپار گئت
دَلی مجنونی؛لیلانی اوغورلا!

قولاق آس سنده قوربان بایرامیندا
قوزوچون اولدو قوربانی اوغورلا!

منه باخ اوغرو قارداش،آی گؤزو آج!
گؤزون دویمازکی،ایرانی اوغورلا!

بهشت اولدو خیابانلار گؤزون آچ
»
عسل»،«سؤت»،«حورو»،«غلمانی» اوغورلا!



  • [ 1 ][ .. ][ 22 ][ 23 ][ 24 ][ 25 ]