تاپیلماز:باجناق و یاخچی بالدیز

یازار : علیرضارضائی

+0


Image result for ‫کاریکاتور شکم گنده‬‎

تاپیلماز:باجناق و یاخچی بالدیز !

وطنداش اوغرولاردان قالمایان :ایز !

 

رئیسین موفته دولموش قارینی :کندی !

الی اگری،کؤتوی اینسان:افندی !

 

تماماباجناقین سؤزلری : بوز !

بیزی لاپ آلدادان اینسان :قیلاووز !

 

قاشی قیلدیر:لوندآروادوفتّان !

یالان سؤز:دلبر ِ جانانه جان جان »!!

 

 چوره کچی:وارلی ،آلتین :نان ِسنگک !

گؤزل شی :بربری ،خوش باور:ائششک !

 

سیریش:سئوگیلی،سئودا:بیر توهّم !

کیشی :آروادان آز معنای کؤپ :خُم !

 

کؤلک :کولاک،قیمت فیرتیناسی !

مکان لذت آلماق :کؤش آداسی !

 

منیم عومروم،سنین عؤمرون :دیَرسیز !

کیراز :یارین دوداغی ،بیوه :ارسیز !

 

چتین ایش :دولنی بیر شغل تاپماق !

چوخ آسان :رشوه آلماق ،خلقی چاپماق !

 

باشی آشاغا :ْآروادبازو چاپقین !

تورّم :زهر،قیمتلر:گیوتین !!

 

یاغیش :باران عشق و قطره: داملا !

دنیز :سئودا،یارین ساچلاری :دالغا !!


دانا : اؤیرنجی ، اؤیرتمن :الی بوش !

ایکی اؤزلو آدام :دولتلی ،سرخوش !


وطنداش : هموطن // ایز : ردّپا // کندی : کنو //  کؤتوی : بد //افندی : آقا،جناب //  بوز : یخ // قیلاووز : قلاووز:دلیل، راهنما // قاشی قیلدیر :زن لوند و..//  اویناش : فاسق//  آلتین : طلا// سئوگیلی : معشوقه // 

سئودا : عشق // فیرتینا : توفان //دیر سیز : بی ارزش //  کیراز : گیلاس // چتین : سخت // چاپقین : زن باره//


محضردَه کی اوغلانین آدی«بابک» دی

یازار : علیرضارضائی

+0


مهریه :
محضردَه کی اوغلانین آدی«بابک» دی

اوقاش قاراگؤزقیزین آدی«پوپک »دی

 

قیز شادایدی زیراکی روایت اولدو

مهریه سی ایککی مین عدد سنگک دی !!


 باشماق :

بیر یوخسول آدام اولدو دَمَر قوزادیلار!

یازیچی یاراتدی بیر اثر قوزادیلار !!

 

سیزلرکیمی بَرک ساخلادیم جیبلریمی

باشماغیمی مسجددَه اگر قوزادیلار !!



 قاچدی :

شرمنده اولوب آتاسی قیزدن قاچدی !

غاز،جوجه،تویوق،کباب بیزدن قاچدی !

 

رحم ائیلمَه دی ذرّه جَه آج قارنیمیزه!

سنگک له لاواش سفره میزدن قاچدی !



آغلاما :

اجناس باهالاشدی دئمه واری گئنه !

چایچی!منه وئربیراستیکان گئنه !


غرغرائلمَه بیرایش الیندن گلمز

قهوه خانادا آغلاماهای های گئنه !!


واجب :

یاخچی آداما همیشه شک واجب دیر !

دؤز یول گئدن اینسانا کؤتک واجب دیر !


مُفتی دئییلم ولیک فتوا وئردیم

بوجامعه دَه یالان دئمَک واجب دیر !!




کاردارین جیبلرین آختاردیلار

یازار : علیرضارضائی

+0


کاردارین جیبلرین آختاردیلار

اوغروچیخدی اوگؤزل انسان،بلی !


قاضی آچدی اختلاسین بابینی

سالدی زیندانا معاون اوّلی !


کوچه لردَه هی ائدیردی افتخار

بوسؤزوخالقادئییردی بیردلی !


«وئردیلرمیزریاست آلمادیم !

سؤیله دیم:سیزدن تشککورلرولی ،


صندلی دَن قورخورام ،گومراه ائدر

عارف وعامینی میزو صندلی» !!



شاگرد اول :

دئییردی بیر نفرکیایول ایول !

دوشوبدور زیندانا،شرحی مفصّل !


معاون اوّلیدی بیلدیر،ایندی

اوغرولوقدااولوب شاگرداوّل»!!


معنی شعررادرادامه مطلب بخوانید :


گؤزل قیزا ائلچی گلیب بیر گئجه

یازار : علیرضارضائی

+0


گؤزل قیزا ائلچی گلیب بیر گئجه 
تا کی او قیز اختیار ائتسین اَری 

بیری«حسن»،مؤمن آدام،سئومه لی 
یوخسول  ایدی،بوم بوش ایدی اللری

ایکینجی نین آدی«علی»،چوخ گؤزل
دین سیزی ایدی آللاها یوخ باوری!

اوچونجونون«جعفر» آدی،وارلی دی !
چیرکین ایدی،محشرایدی محضری !،


قیزین آتاسی دئدی:« سن به یه ن دین  

هانسینی ای بوعالمین دلبری»؟!

قیز دئدی:« آی آتا باغیشلا منی !
بَیَنمیشم حسنعلی جعفری»!!

معنی شعررادرادامه مطلب بخوانید .


اگراوغورلاسابیر آلمابیزدن استاندار

یازار : علیرضارضائی

+0

اگراوغورلاسابیر آلمابیزدن استاندار

چکراوداکارمندلر بوتون باغی !

 

خیاراورلاساجمهورباشقانی،شک یوخ

وزیر غارت ائدرباغی،باغچانی،تاغی !!



نقیضه ای بر حیدربابای استاد شهریار

یازار : علیرضارضائی

+0


حیدرباباچوخ دئیشیب زامانا !
بیتلر گلیب گیریب بیزیم تومانا !!

حیدربابا قیز اوغلاندان اوتانمیر !
فلک بیزیم آرزیمیزا دولانمیر !


بوش ال لَری ؛ بیکاردیلار کیشی لر !
قیناییرلار اِرکک لَری دیشی لر !


مؤمن لر کی دایم ال ،یوز یوئورلار!
بازارلاردا یامان دری سویورلار !

حیدربابا قول قیچیمیز قیریلدی !
چوخ باغیشلا هر زادیمیز جیریلدی !

گول ، چیچکی بوستانلاردا ازیرلر
قیزیل ایلان چاتلاقلاری بزیرلر !

حیدربابا تویوق ییماق چتین دیر 
یومورتانین شانه سی یئددی مین دیر !



بنزین باها اولوب گؤر بو مسلگی :
«مشدی حسن» گازی ائدیب ائششگی !



رستم بو دونیایا بیر یول آچوبدور 
قیمت لری گؤرجَک ، قؤیوب قاچوبدور !

ائو قیمیتین قولاغینا دئییب لَر !
چؤخ «بیژن»لَر قویودا گیزله نیب لَر !

حیدربابا گل ائشیت ایندی بونو :
عمل ائدیب «کلثوم ننه » بورنونو !

«خجّه سلطان» گؤزل ائدیب صاندیقی !
یوقون گؤتون گئدیب ائدیب فیندیقی !!

آینا قاباقیندا دوروب قیر وئریر !!
هی اؤزونه آفرین ؛ احسن دئییر !!

اؤ اؤغلان کی یئیه ردی سود «قایماقی»!
باشارمادی کـَـت ده داوار یایماقی ،

گئدیب «بانک رئیسی» اولوب ، قولاق آس:
اون آلتی میلیاردی ائدیب اختلاس !!



حیدربابا بوردا اولوب دین ؛ تومن !
یوز مین تومن اولوبدور تَک مین تومن !!

او انسان کی اؤلوب قالین دریسی !
دونیادا وار پریله بربریسی !!


سینیر باشی ، قابیرقاسی ، قیچ قولو

بو دونیادا هرکس گئدیر دؤز یولو !

ایسته ییرم قاچام گئدم ماغارا !
تک قالمیشام اؤزوم قالیب دووارا !!

حیدربابا توکندی ماجرا میز
ایستی سودان چیخانمادی بابامیز !!

 



«حیدربابا» تاخما دیشین تاخاندا !
دامدان گؤزل قونشوموزا باخاندا !

مامورلرین کتک لرین سال یادا !
گؤزلرین تیک ،باخما گؤزل آروادا !

«حیدربابا » آلزایمر توتموشام من !
گؤزل تاریخیمی اونوتموشام من !

«حیدربابا » بئکار گزیر اوغلوموز !
بوغون قیرخیب ،قاش آلدیریر اوغلوموز !

نازیله یول گئدیر ، اولوب مامانی !
خیاباندا گؤز چیخاردیر تومانی !

«حیدربابا »«بابا ایمان » جان وئریر !
ائششک هورور ،باغلاردا ایت آنقیریر !

«حیدربابا » اخلاقیمیز پوزولدو !
غیرت اؤلدی ،یاخشی یامان توز اولدو !

چرچی لره دوداقدان هم یاناقدان 
بورجلو قادین وئرمه لی دیر قاباقدان !!

«حیدربابا» باشیمیزی قاتیبلار !
یول کسن لر ذیروه لره چاتیبلار !

حیدربابا کیشی ، قدیم کیشی لر !
قورخاردی اونلاردان بوتون دیشی لر !


بیزده کیش
یلیکدن بیر آد قالیبدیر !

آروادیمیز جانیمیزی آلیبدیر !

بیر کیشی سؤیله دی منه: آروادیم 
پیققیلداییر تئز ایسلانیر هر زادیم !

باشیما آروادیم چالیر وَردَنـَـه !
آغلاییرام هی دئییرم : آی نَـنـَه !!

« حیدربابا » تویوقلارا چاتاندا !
کورچ تویوقی دوتوب یاواش ساتاندا

دعا ائله منیم ایچین دوغروسو
منده اولوم کورچ تویوقلار اوغروسو !

«حیدربابا »خلقَه منی چوغورلور 
یومورتا اوغروسو ، دَوَه اوغورلور !

»
حیدربابا» قونشوموز اولدو دارا !
یوز ایللیک بوش جیبینه دولدو پارا !

زَمی یئرین ساتیب آلیب « زانتیا »
قودوق مینن پینتی مینیر « ماکسیما « !

میندیریبدور اوغلو؛ بیر اؤزلو قیزی 
ویراژ وئریر ذرّه جه سایمیر بیزی ! !


اوستورار مجلس ده گروارلی آدام

یازار : علیرضارضائی

+0



 اوستورار مجلس ده گروارلی آدام

سؤیله یرلر خلق رحمتلر سنه »!


اؤسکوره اوردا اگر یوخسول آدام

هی دئیرلر آی لعنتلر سنه »!


آی پول ! آلله دئییل سن پس نه سن ؟!

باش ایر دونیادا میللتلر سنه !


معنی شعررادرادامه مطلب بخوانید 



زاهد یالان دئدی؛هامی زادی اوغورلادی

یازار : علیرضارضائی

+0

زاهد یالان دئدی؛هامی زادی اوغورلادی!

آللاهی؛اعتقادی؛معادی اوغورلادی !

گئتدیم دؤنن دواخانایا؛گلد ی بیر نفر
شربت؛سرنگی؛قرصی؛پمادی اوغورلادی !

اولدو رئیس شهریمیزین بی سوادی تا
مدرک دوزلتدی؛علم و سوادی اوغورلادی !

تا کی اونون حکومتی چوخ پایدار اولا
شمری؛یزیدی؛ابن زیادی اوغورلادی !

یوخسول بالاسی مدرسه ده همّت اِیله دی
دفتر؛کیتابی؛پولو؛مدادی اوغورلادی !

ویردی ستاد شهریمیزین اوغروسو اگر
اوغرو رقیبی گلدی ستادی اوغورلادی !!

یؤل تاپدی تا خزانه یه «حاجی مراد یمیز»
ائتدی اشاره پوللاری«هادی» اوغورلادی !!

مامورآد یلا«رمضان»؛ چیخدی داملارا
دیشی؛«ال.ام.بی.»نی؛هامی زادی اوغورلادی!!


یول کسَن اکبره سلام اولسون

یازار : علیرضارضائی

+0


یول کسَن اکبره سلام اولسون !

اوغرو حاج اصغره سلام اولسون !

 

چایچی یَه،رشوه یَه،ایداره لرَه!

منشی یَه،دفترَه،سلام اولسون !

 

اری قیز باز و آرواد اویناش باز!

بوجور آروادارَه سلام اولسون !

 

اختلاس ائیله دی بش-اون میلیارد !

مال یایان صفدره سلام اولسون !

 

داها باغلانماسین قه وَه خاناسی !

چای وئرَن قنبرَه سلام اولسون !

سنگک و بربری باهالاشدی !

سنگکه،شاطرَه،سلام اولسون !

 

گؤتوبوش قونشوموزقاراصفرَه-

باجیسی دلبرَه سلام اولسون !

 

منی دوکتور ائوینده اؤلدوردی 

او اؤکؤز دوکتوره سلام اولسون !


یوخسول اینسان دئدیگؤتوم جیریلیب !

قاچدی بوردان هرَه سلام اولسون »!

 

قونشوموز آروادین بوشاندیردی !

آروادی هاجره سلام اولسون !

 

عقدائدیر،هی طلاق وئریر،پول آلیر !

صاحب محضرَه سلام اولسون !

 

الیمیز چاتمادی،ولی هرکس

یئدی کهلیک،کرَه،سلام اولسون !

 

گئتدی میخانه یَه،دئدی بیر مست :

«ساقی یَه،ساغرَه،سلام اولسون »!

 

اؤزونو ساتمادی اگر شاعر

شعرینه،شاعرَه،سلام اولسون !

 

گؤلملی هم گؤزل حیکایه لرَه

کئفلی ایسکندره سلام اولسون !

 

ملانصرالدینه،دمکراسی یَه،

طنزیازان صابره سلام اولسون!

 

سالیب اوستورماغا بیزی باهالیق !

گؤلمه یین!بیزلره سلام اولسون !

 

معنی شعررادرادامه مطلب بخوانید 


آخ نئجه کئف چکملی ایّامید ی

یازار : علیرضارضائی

+0


ای خوش او گونلر کی بیز آزادیدیک !
پول واریدی ، قیزلارینان شادیدیک !
صاحب سرمایه و هر زادیدیک !
گونلریمیز شادیدی ، آرامیدی !

              « آخ نئجه کئف چکملی ایّامید ی »

یوخلوق الیندَن یوخودو هئچ گله !
شاکی دگیلدی آج آدام بیر بئله !
ائـتدی حرام مال بیزی لاپ حامله !
آخماق آدام غرق در اوهامیدی !
              «آخ نئجه کئف چکملی ایّامیدی»

بیزلر ائلردیک هامی وقت اختلاس 
ملتمیزده یوخودو هئچ حواس !
قؤزامیشیق دؤرت کامیون اسکناس !
آفتابه اوغرولاری بد نامیدی !
             «آخ نئجه کئف چکملی ایّامیدی»

جامعه ده ظاهریمیز چوخ گؤزل
باطنمیز ساحه سی ، چیرکین ، دغل !
اوغرو آداملار ، هامی میز مبتذل !
ساققالیمیز مظهر اسلامید ی !
                      «آخ نئجه کئف چکملی ایّامیدی»

قاچدیق اگر هر بیریمیز بیر یانا !
گلدی قدَر دولتیمیز میدانا !
دوتدو بیزی ایندی سالوب زیندانا !
کِئشگه بیزیم دولتیمیز خامیدی !
                     «آخ نئجه کئف چکملی ایّامیدی»


دوتدو : توتدو : گرفت

ئشگه : کاشکی

 یان :جانب ، سمت و سو

ساققال : ریش

چیرکین : زشت

دؤرت :چهار

ائتدی : کرد 

آخ نئجه کئف چکملی ایّامیدی : آه که چه دوران خوش و دل انگیزی داشتیم. این مصراع را از میرزا علی اکبر صابر، شاعربزرگ و طنزپرداز عصر مشروطه وام گرفته ام .


 


  • [ 1 ][ .. ][ 20 ][ 21 ][ 22 ][ 23 ][ 24 ][ 25 ]