بایاتیلار :

یازار : علیرضارضائی

+0

چاققال:

سلام اولسون داغلارا

یئنی،اسکی چاغلارا

 

آسلانلاری قوومایین

چاققال گلر باغلارا!

سس:

گلیردی دامدان سسی!

عطیرلی دی نفسی !

 

سسله ییردیبیر کسی

آچیلمیشدی سینه سی!


اینترنت دریاسی :

سون یوخو دالغاسیندا
بیر دونیا سئوداسیندا

آهای کؤمک بوغولدوم
اینترنت دریاسیندا !

یالوارماق:

شا لواریم آی شا لواریم

سن سیز عجیب حال واریم!

 

جیریلمه دورد بش ایلده!

سنه نه قدر یا لواریم!


دونیایا بئل باغلاما ؛ زیرا کی دونیا فانی دیر

یازار : علیرضارضائی

+0

دونیایا بئل باغلاما ؛ زیرا کی دونیا فانی دیر
گول ،آجیتما گول یوزون ؛ چون آغلاماق نادانی دیر !

سالدی یئل بیر شی حیاطا ناگهان گؤردوم کی وای !
قونشومیز «مش مه لیقا»نین ییرتیلان تومّانی دیر !

اعتراض ائتدیم مگر یاشلی آدام شورگوز اولار ؟
سؤیله دی :«زر وورما سن چون باخماقیم عرفانی دیر »!

گئتمه ییب زیندانا بیر ساعتده میلیارد اوغروسو !
قؤزاسا بیر آفتافا یوخسول آدام زندانی دیر !

سؤیله دی افغانلی آرواد :«آی اوشاق چوخ گؤزله سن !
قونشولیقدا ایشله ین اؤل کارگر ایرانی دیر»!

کندیمیزده آنلاماز «حاجی رسول»ین ائششکی
وارلی اؤلموش آی کیشی یوزمین تومان پالانی دیر !

آلدادیر خلقی دوداقیم طنز شعره ؛گولماقا !
ساغ گؤزوم آغلور همیشه ؛ سول گؤزوم طوفانی دیر !

 



لیلی و مجنون تركی :

یازار : علیرضارضائی

+0

مجنونین آتاسی چون ائشیتدی
باشدان بالاسینون عقلی گئتدی

لیلانی سئویر اونو بوراخمیر
بیر آیری قیزا اؤلوردَه باخمیر


توتدو یاخاسین ، توپوردو :«ائششك»!
لیلانی بوراخ ،گل اوندان ال چك !


بنزیر بو قیزین گؤزی سیچانا !
راست لاشمادا بو قارا ایلانا !


نادان قودوقی گل ایشه چكمه !
هی دامدا اوتورما شیشه چكمه !


دونقوز دده سی پاخیل آدامدیر !
لیلی اؤزوده كسیل آدامدیر !


گؤزله ! گئنه منجلابه انمه !
ال ساخلا ، یازیق ،كؤمور به ینمه »!


مجنون كی بو سؤزلری ائشیتدی 
ووردی دده سین ؛ باشین داغیتدی !


فورا اونو بیر جاوالا تپدی !
بنزین گتیریب جاوالا سپدی !


یاندیردی آتاسینی تیكان تك !
چكدی آتاسین اوتا ژیان تك ،


وجدانی اونو ملامت ائتدی !
بیچاره كلانتری یه گئتدی !


باشدان باشا یازدی ماجرانی 
آغلاتدی پلیسی ، پاسبانی !


زیندانا آپاردیلار «نظامی»!
قانماز اؤكوزی،سفیه آدامی !


لیلا نی ده آلدی بیر گول اوغلان !
بو ساتیریك حیكایه مه گول اوغلان !..


قارداش اوخوما حیكایه می سن !
دوز سَپمَه موشم حیكایه مه من



یار یولوندا گئتدی تومّان نیزهم

یازار : علیرضارضائی

+0

یار یولوندا گئتدی تومّان نیزهم !
دل فدای او شد و جان نیز هم !

هی سوروشماائو واری؟ماشین واری»؟
یار ما این دارد و آن نیز هم !

اؤ آجی شیرین بوراخدی فرهادی !
عهد را بشکست و پیمان نیز هم !

بیر شاپالاق وورموشام بیر قاضیه !
گفته خواهد شد به دستان نیز هم !

غم یئمه،زندانی چَک،چِک اوغروسو !
بگذرد ایام هجران نیز هم !

ایسته ییرسن شادلیقی اوغرو یاشا
گفتمت پیدا و پنهان نیز هم !

یول تاپار ایرانلی اوغرو هر یئره !
بلکه بر گردون گردان نیز هم
!

قورخمارام مست ائیله مکدن می گتیر !
بلکه از یرغوی دیوان نیز هم !

»
خواجه حافظ»میز دالیندا رشوه ییر !
و «آصف ملک سلیمان »نیز هم !

 

یرغو (واژه ترکی/مغولی )به مغولی به معنی : عدلیه واستنطاق و مرافعه

درشعر حافظ :قاضی،داور

 


آج قالیب بس کی اوشاق ونگ ویریروق وق وق

یازار : علیرضارضائی

+0

آج قالیب بس کی اوشاق ونگ ویریروق وق وق !
آناسی باشینا کفگیری چالیرشق شق شق !

سوء تغذیّه توتوب بو قوجامان جامعه میز !
سسلنیر دیشلری هم قیچلاری هی لق لق لق !

چالما مظلوم آدامین بارماقوویلان قاپی سین
قاپیوی چالمیاتاچکّش ایلن تق تق تق !

اوکی آللّاهیمیزا ذرّه جه ایمان یوخودور
خلق ایچینده هامی یئرده جیغیریر حق حق حق!

نر گویرچین دئدی ویران یووا دا ماده سینه :
«سنی چوخ ایسته ییرم باور ائله بق بق بق»!



الین بوش دور؟ دگیرمانی اوغورلا

یازار : علیرضارضائی

+0

الین بوش دور؟ دگیرمانی اوغورلا!
عرق گیر،شورتو،تومّانی اوغورلا!

هامیدان رشوه آل،چاپ خلقی،قورخما!
سن اولما محترم؛یانی اوغورلا!

پلاکارت اوستونه بازاردا قارداش
اگر یازمیشدی«ارزانی» اوغورلا!

اوتور یولداشلارینلا دوز چؤرک یئ
گئدنده پارچی،لیوانی اوغورلا!

الین چاتماز«پرادو»،«زانتیا»یا
«قودوق مزدانی»،«پیکانی» اوغورلا!


مسافرکش لباسیندا گل اوغلان
گئنه میندیر«سمیرا»نی اوغورلا!

آتاسیندان اوتانماقاچ،آپار گئت
دَلی مجنونی؛لیلانی اوغورلا!

قولاق آس سنده قوربان بایرامیندا
قوزوچون اولدو قوربانی اوغورلا!

منه باخ اوغرو قارداش،آی گؤزو آج!
گؤزون دویمازکی،ایرانی اوغورلا!

بهشت اولدو خیابانلار گؤزون آچ
»
عسل»،«سؤت»،«حورو»،«غلمانی» اوغورلا!



دئدی ترکیه ده بیر یاخشی اینسان

یازار : علیرضارضائی

+0

دئدی ترکیه ده بیر یاخشی اینسان:
بیزیم بی خاصیت ملت اؤلوبدور !

قیز-آرواد لوت گزیر،اوغلان اوتانمور!
بو گون ترکیه دَه غیرت اؤلوبدور!

باخیر آروادایلان اَر سکسی فیلمه!
حیا پشم اولدووعفّت اؤلوبدور!

قالوبدوراحترام افسانه لردَه!
وقاروشخصیت،عزّت اؤلوبدور!

داها «اؤزگؤرلوگون»نین معناسی یوخدور!
دموکراسی- یامان بدعت اؤلوبدور!

مسلمانلاربیزیم زاهد پکردیر!
اونونجو صیغه سی«عشرت»اؤلوبدور!

کسیرخلقین قولاغین هردُکانچی!
مگر بو بینی بوش دولت اؤلوبدور؟ !

بیلیرسیز یر یامان دئودیر باهالیق !
ووروب هریوخسولا ضربت اؤلوبدور !

ائشیت قارداش ولی هرگز اینانما
طمع دیوی،هوَس،شهوت اؤلوبدور !


روزگار اِئله دی جور و جفا؛آتدی منی

یازار : علیرضارضائی

+0

روزگار
اِئله دی جور و جفا؛آتدی منی!
یولداشیم ساتدی منی !
یاریم آغلاتدی منی !
رادیودا دئدی آلچاق مجری :
« سیزه یارانه حرام اولدو حرام » !
دولت آلداتدی منی !


شهوتی آتمازدی گئجه لر یاتمازدی

یازار : علیرضارضائی

+0
شهوتی آتمازدی
گئجه لر یاتمازدی

ذکری «یا تومّان » دی!
بیلمه دیم اینسان دی،یا کی بیر حیوان دی !
هامی خالقین باشینا شیره یاخیب !
حجّه مین دفعه گئدیب !
آج یاتان قونشولارا باخمازدی
سو کیمین آخمازدی !
کئفی دایم سازدی !
عیشی «بی پایان» دی !
نه دئییم،سن دئ نه جور توصیف ائدیم؟
گؤده بیر ائششک آدام !
اؤزو بیر ساری پیشیک !
آروادی آصلان دی !
آدی «حاج آصلان »دی !!


ارینه سؤیله دی:«دیوّث»؛«یوخسول»!

یازار : علیرضارضائی

+0

ارینه سؤیله دیدیوّث»؛«یوخسول»!
سنی بیرگون دوتار شک یوخدور آهیم»!


اری ده سؤیله دیهی ویرما تهمت
منه ای سئوگیلیم؛ای قبله گاهیم !


منی ؛ سن«دیوّث»ائتدین «یوخسول»آللاه !
شوکورآللاها یوخدورهئچ گوناهیم»!!


  • [ 1 ][ .. ][ 20 ][ 21 ][ 22 ][ 23 ]