بال دی،شکردی پیشیگین آروادی

یازار : علیرضارضائی

+0

بال دی،شکردی پیشیگین آروادی!

آدی سحردی پیشیگین آروادی!

 

آددیم آتیب چیخدی حیطدن داما!

اهل سفردی پیشیگین آروادی!

 

حافظی،سعدینی گئدیب حفظ ائدیب!

اهل نظردی پیشیگین آروادی!

 

عؤمروکئچیردیب رژلب یاخماغا

کان هنردی پیشیگین آروادی!

 

گؤزدیبینه قارابادیمجانلاری

یاخچی اکردی پیشیگین آرودای!

 

تیریاکی،بنگی،شیره نی ترک ائدیب!

شیشه چکردی پیشیگین آروادی!

 

اخلاقی اینسانیدی چون عاشیق

آلتی نفردی پیشیگین آروادی!


آدرس کل اوغلان درتلگرام:

keloglan49@


آموزش لغات ترکی:

یازار : علیرضارضائی

+0

بوسه:اؤپؤش وفروبکن:تاخ!

آغوش:قوجاق،دلیک:سوراخ!

 

باسماق:چپاندن است ورخ:اؤز!

انسان درست وراستگو:دؤز!

 

پالتار:لباس وکفش:باشماق!

یانلیش:غلط است وسهو:چاشماق!

 

آرواد:رِِِِِِییس خانواده!

آخماق:سفیه وگول وساده!

 

خر:ائششک وگاو:اینک،کئچی بُز!

قارقاست:کلاغ وخوک:دونقوز!

 

گئن:هست گشادودار:تنگ است!

دشنام:سؤیؤش،ساواش:جنگ است!

 

قاچماق:گریختن،فراراست!

پاییزبه ترکی:سون باهاراست!

 

بازار:یالانچی لاردوراغی!

ایستگاه :دوراق ودزد:یاغی!

 

نزدیک:یاخین ودور:اوزاق است!

بی غیرت آدام:ساری قولاق است!

 

کشتی:گمی ویالان:سیاست!

باشقان:رئیس وتالان:ریاست!

 

اوغلان:پسروگؤلؤش:لبخند!

نقره:گؤمؤش است واوغرو:کارمند!

 

کوزه است تیلیک ویارما:بلغور!

می ایست،مرو،بلندشو:دور!

 

ماست است:یوغوردودوغ:آیران!

ماهنی است:نرانه وچؤرک:نان!

 

در:قاپی وباغلاماق:بستن!

معنای آتیلماق است:جستن!


قد یملرشاد ملت آغلاماردی

یازار : علیرضارضائی

+0

قد یملرشاد ملت آغلامازدی

صداسیما دا دولت آغلامازدی

 

موعللیم حالینا تبعضلردن

کلاس وتخته،نیمکت آغلامازدی!


سروه اوخشاتدیم باغیشلاقامتین آمما گؤزل

یازار : علیرضارضائی

+0

قیرمیزی،شیرین دوداغیندان عسل  شرمنده دیر!

گؤزلریندن ای گؤزل!شعروغزل شرمنده دیر!

 

رای آلدی خالقدان آممااؤزویچون ایشله دی!

بوجماعت دن اگراصغرکچل شرمنده دیر!

 

بایرام آخشامی الی بوش اولسا خالی سفره دن

رستم وافراسیاب وسام یل شرمنده دیر!

 

سروه اوخشاتدیم باغیشلاقامتین آمما گؤزل!

قامتین دن غارته گئتمیش دکل شرمنده دیر!

 

بوگؤزل ایرانیمیزده دؤزآدام آج جان وئرَر!

اولماساهرکیمسه تولکوودغل شرمنده دیر!

 

منشیمی بیریول قوجاغاآلمادیم،دوکتوردئدی:

منشی دن داغ لبلریم،اللر،بغل شرمنده دیر!

 

عائیله سیندن موعللیم هی اوتانیربینوا

چون حقوقوآزدیروحداقل شرمنده دیر!

 

توبه ائتدی بیرایداره کارمندی لاجرم

چونکی بیرگون آلمادی باج وشتل شرمنده دیر!


رقیب زشت ایلن هم صحبت اولما

یازار : علیرضارضائی

+0

 


رقیب زشت ایلن هم صحبت اولما

اونو ن ویرانه سینده رؤیت اولما

 

یاشیم هرچندآتمیش بش اولوبدور

سنی من ایستیرم ناراحت اولما!



وعده لری یاغلی دیر

یازار : علیرضارضائی

+0

ال آیاغی باغلی دیر!

گؤزلری لاپ باغلی دیر!

 

آدیازوبدور  مجلسه

وعده لری یاغلی دیر!


رایین مَنَه وئر،وئرمه کچل اصغره آی قیز!

یازار : علیرضارضائی

+0


رایین مَنَه وئر،وئرمه کچل اصغره آی قیز!

زیراوئره رَم من سنی بیرگؤن ارَه آی قیز!

 

رایین مَنه وئردین ائوَه گئت،یات داهاراحت!

نفتین پولونو آل یئمَه دایم ترَه آی قیز!

 

یارانه نی من آرتیرارام بش میلیونا!

یارانه نی آل گئت پاریسه یکسَرَه آی قیز!

 

من مجلسَه گئتسم داهاباسمازسنی آجلیق!

زیراسنَه تقدیم ائدرم بال- کرَه آی قیز!

 

مجلس دَه حمایت ائدرم قیزحقوقوندان!

تشبیه ائدرم من سنی شیرنرَه آی قیز!

 

آیری آداما سالما گؤزل راییوی زیرا

قالمازبوگؤزل وعده لریم محشرَه آی قیز!

 

من دؤزآدامام شخصیتیم قابل تقدیر!

چون شخص یالانچی  اؤزوم اولمازقرَه آی قیز!

 

قورخمام بیراؤرکلی آدامام ساری رقیبیم

بیچاره قارالتی کیمی دیر،مسخره آی قیز!


قوجا اینسان اوللار تعمیر؟یالان دیر

یازار : علیرضارضائی

+0



قوجا اینسان اوللار تعمیر؟یالان دیر

یالان سؤزلردَه وار تاثیر؟ یالان دیر


سنه هرکیمسه وئردی یاغلی وعده

اینانما وعده لر بیر بیر یالان دیر !


قوجاق گؤندرمنه سن

یازار : علیرضارضائی

+0

قیش دیربیراودون،اوجاق گؤندرمنه سن!

بیرایستی اؤپؤش،دوداق گؤندرمنه سن!

 

گازایسته میرم،ایچیمده یالغیزلیغدان

بوزباغلامیشام قوجاق گؤندرمنه سن!


رای آلیب بنده،نماینده ی مجلس اولسام

یازار : علیرضارضائی

+0



رای آلیب بنده،نماینده ی مجلس اولسام
کیشی- آروادلارا بیرروسری، دامن وئره رم!

دئییرم شالوار ی هئچ شهر ده دار تیکمیَه لَر!
شالواری کارخانادا موفته تیکیب؛گئن وئره رم !

ویرالار تاکی یاماق دیزلَرینه ملَّتیمیز !
آیداهربیر نفره اون دانا«سوزن»وئره رم !

باخمایین،ساققالیما چوخ دَلی روشن فکرم !
رای گتیرسَم هاموزا آلتی دانا «زن » وئره رم !

چکه رم تئز ائشیگه یاغلاری انبارلاردان !
گتیریب آی باشی بوش سفره زه«روغن »وئره رم !

کیشی لر، آرتیرارام هر گئجه یارانه نیزی !
«دلار»رین ارزشی یوخدور «یورو »هردن وئره رم !

آی هارای مردم آچین سفره لری چونکی سیزه !
گونده بوندان سورا نفتین پولونو من وئره رم !

«کامران » - «هومنی » قزوینلی لره پایلاشارام !
«نانسی عجرمی » اوغلانلارا فعلن وئره رم !

گولمه یین سؤزلریمه من کی یالانچی دئییلم !
کُره ی ماهدا سوبای اینسانا مسکن وئره رم !


  • [ 1 ][ .. ][ 14 ][ 15 ][ 16 ][ 17 ][ 18 ][ .. ][ 25 ]