سویوق چاتاندا گلدی

یازار : علیرضارضائی

+0

سویوق چاتاندا گلدی

گونش باتاندا گلدی

یار گلمشه دی ، خیالی

گئجه یاتاندا گلدی


کل اوغلان :

بلاگفا :اشعار ترکی علیرضارضائی

 تلگرام :AAAAAEBoUjurpLwPQa5fCQ


بوسؤز بَتَر درین دیر!

یازار : علیرضارضائی

+0

بوسؤز بَتَر درین دیر!
چوخ دیرلی وزین دیر
آنلاماز اول آنلاماز
چونکی کئف ائششکیندیر!

bu söz bətər dərin dir
çox dəyərli,vəzin dir
anlamaz ol,anlamaz
çünkü kef eşşəkindir

AAAAAEBoUjurpLwPQa5fCQ

turkcetanzler@

 


یولدان چیخدیم من آلله

یازار : علیرضارضائی

+0

یولدان چیخدیم من آلله

آجلارا باخ سن آلله

آج هارا ایمان هارا

بوراخ منی سَن آلله

AAAAAEBoUjurpLwPQa5fCQ

turkcetanzler@

 


تهرانا گئتمه هاوا آلوده دیر

یازار : علیرضارضائی

+0

تهرانا گئتمه هاوا آلوده دیر
هر یانا باخسان قارانلیق،دۇده دیر

یۏخسۇل آجدیر بیرعدد شالواری یۏخ!
تۏخ آدام راحت یاتیب،آسوده دیر

وار‌لییا ‌سۆد دریاسیندا خوش کئچیر
آج آدامین وارلیغی بیهوده دیر!

دۆز آدامین سؤزلری حَنظل کیمین!
اۏغرۇلارین سؤزلری فالوده دیر!

اۏغرۇنون هر بیر جیبینده میلیارد
بینوانین کله سینده تۇده دیر!

قالسا تهراندا هراینسان معده سی،
آغ جیگر،عقلی،گؤزو فرسوده دیر!

تهرانین هراتوبانی،هریۏلۇ
بیر اۇزۇن،آلوده،فاسد روده دیر!

وارلی تهرانی بوراخماز چونکۆ او
غرق پول وارزش افزوده دیر!

خلق دَه انصاف یۏخ،تبعیض چۏخ!
تهرانین بنیانی بو شالوده دیر!

تهرانا قویما آیاق زیرا کثیف!
یۏل کسن لر شهری اۏ محدوده دیر!

AAAAAEBoUjurpLwPQa5fCQ

turkcetanzler@


تولوق دئدین مَشکه سَن

یازار : علیرضارضائی

+0

تولوق دئدین مَشکه سَن

قوروت دئدین کشکه سَن

آرواد آلیب قوجالدین

آلماسایدین کئشکه سَن

AAAAAEBoUjurpLwPQa5fCQ

turkcetanzler@



  • [ 1 ]