قویونون باشینی کسمه آکیشی گل آدام اول

یازار : علیرضارضائی

+0

قویونون باشینی کسمه آکیشی گل آدام اول

قویون اولما سن و آخماغلیغی قوربانلیق ائیه 

 

turkcetanzler@


لای لای دئدیم یاتا سان

یازار : علیرضارضائی

+0

لای لای دئدیم یاتا سان

پول چاییندا باتا سان

وزیرین اوغلو اولوب

مملکتی ساتا سان 


bayatilaar@


ناهار یوخدور،شام یوخدور

یازار : علیرضارضائی

+0

ناهار یوخدور،شام یوخدور
پیشمیش یوخدور،خام یوخدور
مسووللارین ایچینده
ایش بیلن آدام یوخدور
Nahar yoxdor,şam yoxdor
Pişmiş yoxdor,xam yoxdor
Məsulların içində
İş bilən adam yoxdor


bayatilaar@


ایران ایَه تقسیم اولور،اولسون نه ایشین وار

یازار : علیرضارضائی

+0

ایران ایَه تقسیم اولور،اولسون نه ایشین وار

هر کیمسَه یَه تقدیم اولور اولسون نه ایشین وار
سَن احتکار ائیله،یی تویوق،جوجه کبابی
مین ایل ایَه تحریم اولور اولسون نه ایشین وار

قیشقرما،بوراخ کاخیده راحت گئجه یاتسین
راضی دئییلم اوغرولاری کیمسَه اویاتسین
قوی سئوگیلینه چونکو قاچیب خارجه چاتسین
چاپسین یییَه سیز مملکتی اؤزگه یَه ساتسین
ایران ایَه تقسیم اولور اولسون نه ایشین وار
هر کیمسَه یَه تقدیم اولور اولسون نه ایشین وار

سالما یادا راحتلیغی و اسکی زامانی
ائششک کیمین ایشله،ائله مَه شکوه فلانی
سَپمَه باشینا هی قارا توپراغی،سامانی
چوخداندی بوتون سئل آپاریب یاخچی-یامانی
ایران ایَه تقسیم اولور اولسون نه ایشین وار 
هر کیمسَه یَه تقدیم اولور اولسون نه ایشین وار

ترک ائیله غم و غصّه نی و فکر و خیالی
فیکر ائیله کی اوضاع اولوب ایستَکلی و عالی
لطف ائیله بوراخ بحث و جدل،قال مقالی
آخیر سَنَه نه کی "دلار" اؤلدوردو "ریالی"
ایران ایَه تقسیم اولور اولسون نه ایشین وار
هر کیمسَه یَه تقدیم اولور اولسون نه ایشین وار

آغلیردی ائشیتدیم بو سؤزو "حاجی صفر"دَن
آجام اؤلورَم غصّه ایله درد کمردَن
یاندی اؤره ییم چونکو ائشیتدیم بو خبردَن:
ایرانین اوزولدو الی دریای خزردَن
ایران ایَه تقسیم اولور اولسون نه ایشین وار
هر کیمسَه یَه تقدیم اولور اولسون نه ایشین وار


turkcetanzler@


اگر شیراز،اگر قفقازی ام من

یازار : علیرضارضائی

+0

اگر شیراز،اگر قفقازی ام من

به عشق او پُر از جانبازی ام من


اگر پیروز گردد یا ببازد

طرفدار تراکتورسازی ام من 


turkcetanzler@


زاهد ائله دی ملّتی غارت،دئدی:مرسی

یازار : علیرضارضائی

+0

زاهد ائله دی ملّتی غارت،دئدی:مرسی
مسجددَه گئدیب آلدی طهارت،دئدی مرسی

نفتین پولونو چکدی یوخاری،چاخیر ایچدی
چون ائیله دی لاپ دفع ملالت،دئدی:مرسی

آج قونشولاری گؤردو ولیکن او حیاسیز
هیچ چکمَه دی بیر ذرّه خجالت،دئدی:مرسی

حؤرمتلی بویوک اوغرولارا بیر کیچیک اوغرو
هر گؤن ائله دی عرض ارادت،دئدی:مرسی

پول آلدی ناماز قیلدی،گؤزل شیخی گؤرَندَه
هم مؤمن و هم اهل ضلالت،دئدی:مرسی

ظلم ائیله دی ارباب رجوعا گئده قاضی
چون گؤردو کی هئچ یوخدو عدالت دئدی مرسی


turkcetanzler@


یادینا گول اکمیشم

یازار : علیرضارضائی

+0

یادینا گول اکمیشم
هی رسمینی چکمیشم
او منی ترک ائدیب،من
سئوگیَه خط چکمیشم


bayatilaar@


گؤزلریم یاشلا دولدو

یازار : علیرضارضائی

+0

گؤزلریم یاشلا دولدو
کؤنلوم بیر قان چای اولدو
سن گئدَن زامان اؤلدوم
خیاللاریم سویولدو


gözlərim yaşla doldu
könlüm bir Qan çay oldu
sən gedən zaman öldüm
Xəyallarım soyuldu


bayatilaar@


منیم عاشیغام پنیره

یازار : علیرضارضائی

+0

منیم عاشیغام پنیره

چوره کچی یه،دبیره!

عشقین خمیرکیمین دیر

باتوب الیم خمیره!!


bayatilaar@


قیرخ وئر :

یازار : علیرضارضائی

+0

قدیم زاماندابیر کنددَه توی دو.

توی  گئجه سی عاشیغلاراوخویاندان سونرا،هدیه ییغیشدیرماق باشلاندی.

 هدیه ییغیشدیرن«مشه ابوالحسن» سسین باشینا آلیب جیغیرباغیرایله پول ییقیشدیریردی.

- حاجی رمضان یوزمین تومن

- حاجی حسن یئتمیش مین تومن

بورایاچاتانداندا دئدی :

آتمیش مین یوخدو. آتمیش وئر ...

اللی مین یوخدو،اللی وئر...

مجلس ساکت اولدو.

چاتدی قیرخ مینه.

دادووروب دئدی : قیرخ مین یوخدو.قیرخ وئر!

بیردن«دلی حسن»نین اوغلو«مشه مسلم»مجلسین گوشه سیندَن آیاغاقالخیب اوجاسَسله دئدی :

بیزدَن بیر بخار چیخماز،«اؤزؤن قیرخ وئر»!!

بوسؤزوزو ائشیدنده بوتون قوناغلار گؤلمَگه یه باشلادیلار.

«مَشَه ابولحسن» بیر آز فیکیرله شیب «مَشَه مسلمه» اؤز دؤندؤروب دئدی :

 دئمیرم قیرخ وئر ایکی اللی وئر قارداش »!

بو سؤزو ائشیدندن سونرا مجلس  بومبا کیمین بیردَن پارتلادی 


  • [ 1 ][ 2 ]