هی آختاریرام تاپیلماییر بیر گون ایَر

یازار : علیرضارضائی

+0

هی آختاریرام تاپیلماییر بیر گون ایَر

دوشسَه الیمه جرعه سی دونیا دیَر


هر ال کی شراب سن دَن آلسا ساقی

توپراغا دونوب پیاله اوندان گویَه رَر


turkcetanzler@


سن سویله کی من کیمشه دئییم بو دردی

یازار : علیرضارضائی

+0

سن سویله کی من کیمشه دئییم بو دردی

شن گونلری روزگار بوردان دردی


هر کیمسَه نی بوردا گورورم عومرو بیتیب

یا شیشه چکیر یا کی اولوبدور گردی


turkcetanzler@


ایراندان غم آشیبدیر

یازار : علیرضارضائی

+0

ایراندان غم آشیبدیر

ایرانلی لاپ چاشیبدیر

یازیق آدامدان سونرا

هر شی باهالاشیبدیر 


bayatilaar@


دنیزه،چایا دَیَر

یازار : علیرضارضائی

+0

دنیزه،چایا دَیَر

گونشه،آیا دَیَر

قیز وار بیر تومن  دَیمَز

قیز وار دونیایا دَیَر


bayatilaar@


قزوینه سلام اولسون

یازار : علیرضارضائی

+0

ایستکلی گؤزل یوردوم،قزوینه سلام اولسون !

من فرهادام اوشیرین،شیرینه سلام اولسون

قزوینه سلام اولسون

 

تاکستانا،الونده،آبیکه وتاکنده

هرکوچه یَه،هرکنده،

هردینه سلام اولسون

قزوینه سلام اولسون!

 

اوغلان،کیشی آروادا

هرکیمسه یَه،هرزادا

گؤزیوردو ضیابادا

کاسیبلرینه،پوللو،مسکینه سلام اولسون

قزوینه سلام اولسون!

 

جنت دی قاقازانی

داغ- داشلاری،هریانی

دشتابی،بوئین زهرا

خوشحال آداما،یورغون، غمگینه سلام اولسون

قزوینه سلام اولسون!

 

باقلاواسی چوخ شیرین

لاپ پسته سی اعلادیر

لندن دی باراجینی

خیامی اروپادیر

هربیرخیابانینداوارپینه سلام اولسون !

قزوینه سلام اولسون

قزوینه سلام اولسون! 



turkcetanzler@


گئدیب منّت چکیر پیوسته قاسم

یازار : علیرضارضائی

+0

گئدیب منّت چکیر پیوسته قاسم!

آلوب گؤل آروادامین دسته قاسم !


باریشمازآروادی وار،کؤسموش اوندان
داهایورغون اولوبدورخسته قاسم

 

turkcetanzler@


اله آلدیم قلمی تا منه حرمت گتیره

یازار : علیرضارضائی

+0

اله آلدیم قلمی تا منه حرمت گتیره
بیلمه‌دیم آجلیغی،یوخسللوغو،ذلت گتیره !


الی بوش قالمیشام وعاقبتیم ناخوش دور
قلمی ساتمامیشام تا منه ثروت گتیره !


انتقاد ائتمک ایله آرتیق اولوب دشمن‌لر
کیم دئییب‌ کی قلم اؤز اهلینه دولت گیتره؟!

یازمایام تا که اونون عیبینی،زاهد گئتدی 
آغزیمی باغلاماغاحوری جنّت گتیره !!

ملتین دردینی شعرینده یازان شاعیردیر
خلقه عزت ائله‌ین شاعیره عزّت گتیره 

 شعر یازدیم که بوشالسین اوره‌ییم غملردن
یازمادیم شعری کی  بیر گون منه شهرت گتیره !


turkcetanzler@


ائشیتدیم بیر دول آروادی «مش اکبر

یازار : علیرضارضائی

+0

ائشیتدیم بیر دول آروادی «مش اکبر»

دوتوب کندودالیندا اؤپدو باری !

 

گوروبدور بیر یامان ایش قورخوسوندان

پارا شالوارینی چکدی یوخاری !

 

به محض اینکه قاچدی فاسق اینسان

بوراخدی آروادی اولدو فراری !

 

بو بیتی یازدی او آرواد دووارا

بونو «سعدی » بویورموش یادگاری :

 

«ثوابی چوخدورآی تازا جاوانلار

چاتار اومیدا گر امیّدواری »!


دوغدولار دولدو دونیا

یازار : علیرضارضائی

+0

دوغدولار دولدو دونیا
سارالیب ، سولدو دونیا!

نفس چکه بیلمه ییر!
باساباس اولدو دونیا!


bayatilaar@


اوستورا مسجد ده گر وارلی آدام

یازار : علیرضارضائی

+0

اوستورا مسجد ده گر وارلی آدام

سؤیله یرلر خالق :« رحمتلر سنه »!

 

اؤسکوره اوردا اگر یوخسول آدام

هی دئیرلر :« آی لعنتلر سنه »!

 

آی پول ! الله دئیل سن پس نه سن ؟

باش ایَردونیادا ملتلر سنه ؟!


turkcetanzler@


  • [ 1 ][ 2 ]