هر کئچی ارکک اولماز

یازار : علیرضارضائی

+0

هر کئچی ارکک اولماز

پرتقال گرمک اولماز

 

ساققال چوخالسا اوغلوم

یون اولار،پشمک اولماز !!

 

bayatilaar@


بیر آی «مَشَه باراما»بیر آی «نعمته» گئتدی

یازار : علیرضارضائی

+0

بیر آی «مَشَه باراما»بیر آی «نعمته» گئتدی !

بیر هفته ایت اوغلو –اوخ آتان -«همّته » گئتدی !

 

بیر گون اؤزونو،ناموسونو ساتدی ناهارا !

بیرگون قارینی قالماسا حسرت اته گئتدی !

 

بیرگون ائوه ،بیر گون دکانا،آمبارا،باغا !

بیرگون دَه رئیسین یانینا شرکته گئتدی !

 

خلقین ایشینی سالدی یولا،ائتمه ملامت !

بئچاراایدی ،فکرائله مه عشرت گئتدی !

 

آللاه انو رحمت ائله سین قسطی وئره ردی !

بیرقحبه ائشتدیم کی دونن رحمته گئتدی !!


خیار،آلمانی سویما

یازار : علیرضارضائی

+0

خیار،آلمانی سویما

کیمسَه آغلادی قویما ....

من اولدوم قارا گئیمَه

یالاندان ساققال قویما


آذربایجان چوخ گؤزل

یازار : علیرضارضائی

+0

آذربایجان چوخ گؤزل

دنیزی وار،داغی وار

 

آغاجی وار،باری وار

آلماسی وار،باغی وار!

 

ساوالانی تای سیزدیر

بیردونیادیرسهندی

 

«شه هَر یئری» گؤرمَه لی

جنّت کیمین دیرکندی !

 

 «گؤی مچچیدی» چوخ اعلا

گؤزل« بابک قالاسی»

 

ایستی سویو،ائل گؤلؤ

گره ک دئییم: قاداسی !

 

قوشاچایی ان گؤزل!

خیاوین وارویقاری

 

سئویندیریرمیللتی

خوی دا،شمسین مزاری

 

من گئتمیشم گؤرمیشم

قوتورسویو،شابیلی

 

دالغالانیب سئومیشم

اردبیل،شورابیلی !

 

چوخ زنگین دیر،دَیَرلی

ماکو گؤزَللیکلری

 

گؤزلوتفرّجگاهی

قوشلارون جیک جیکلری !

 

باشکندین ایستی سویو،

سودره سی،آرازی

 

چنگیزخانین بولاغی

اردکی،جوجه،غازی!

 

قیش دَه بَتَر سویوق دور

اورموهاواسی بوزدور!

 

یاردیم ائدین اوشاغلار

اورموگؤلو سوسوزدور!

 

دوچرخه لر شهرینه

گلین گئدَک بینابا!

 

یوخسول آداملارکیمین

حمله ائدَک کبابا !

 

بیزی اوردا سسله ییر

آذربایجان آتاسی

 

اوجاسسله چاغیریر

بیزی قیزلارقالاسی 

 

مَرَندَه دوشدو یولوز

اونوتمایین زنوزو 

 

گؤزل گؤزل باغلاری

تویوغلاری،خوروزو !

 

اونوتمایین اوشاغلار

قوجا،گؤزل زنگانی!

 

داش کسَه نین معبدین

پیچاغلارین،هریانی !

 

گئدیب دیققتله گؤرؤن

کتله خورغارینی

 

ائل داغینین پارکینی

قدیمی بازارینی !

 

توکندی شعریم اولسون

سیزه داغلار دایاغلار!

 

من گئدیرم یوخلاییم

گؤله گؤله اوشاغلار!!


وارعقلون اگر بخیه ویرما گؤته

یازار : علیرضارضائی

+0

وارعقلون اگر بخیه ویرما گؤته !

دوگون باغلاما اوستوراقا ، سؤته !

 

گؤتون ییرتیلیب ساغلام اولماز داها !

که خرداد آیی بایرام اولماز داها !

 

چیخارتما پلنگین یازیق شورتونو !

گئیمه شالوارینی ، چاریق ، شورتونو !

 

چتین دیرایشین آی کیشی زحمتین !

خروسلار دیبینده تویوقلارکیمین !

 

اوغورلاما تومّانلاری ، کش لری !

دیشه چکمه ایت لر کیمین لش لری !

 

سنی گؤزله آزدیرماسین بربری !

اوتور گزمه بایقوش کیمین گوگلری !

 

چراغ قیرمیز اولدو دور ای مردِدین!

خیابانا گئتمه گامیشلارکیمین !

 

باشین دردلی دیر ،چوخ یامان حالتین !

کسیب روزگار لعین آلتین !

 

اگرچه زمانه ازیبدیر سنی !

کل اوغلان کیمین بوشلاغم ، غصّه نی !

 

داشا باسما آی شیخ میخانه نی !

باغیشلا گئدیب آلما یارانه نی !

 

بیزه شاداولماق یاساق دیر یاساق !

بیزیم آدیمیز پیس اوشاق دیر،اوشاق!

 

بیزیم قونشویا آروادی ار اولوب !

کیشی ماده آرواد ولی نر اولوب !

 

بو دولت بیزیم خلقه مشتاق اولوب !

نه دن دیر ؟ بو ملت یوموشاق اولوب ؟!

 

«رضایی » بوراخ شعری یاوه دئمه !

قاشق کفگیره ،یاغلی تاوه دئمه !

 

زمانه اولوب لغو و چوخ مسخره !

بوراخ شعری گئت عاشق اول «اصغره »!

 

ائله اختلاس شهر «زنجانی» آل

گؤزل« ابرو گوندش»،«سیبل جانی »آل !

 

اگر گؤلمه دی قحبه دونیا سنه !

آی ائششک آدام جفتک آتما منه !


تویوغلاری کیشلمه

یازار : علیرضارضائی

+0

تویوغلاری کیشلمه

یاتماق واختی ایشلمه

رقیبلری رای ایچین

ائششک کیمین  دیشلمه


تویوغلاری کیشلمه

یازار : علیرضارضائی

+0

تویوغلاری کیشلمه

یاتماق واختی ایشلمه

رقیبلری رای ایچین

ائششک کیمین  دیشلمه


«حاجی رجب » ثروتین دریاسی دیر

یازار : علیرضارضائی

+0

«حاجی رجب » ثروتین دریاسی دیر !
شهریمیزین ان بویوک شوراسی دیر !
شورا اولماق اونون تمناسی دیر !
ناماز قیلماز ،آمما گئدر نامازا !

چؤ دوشوبدور ریانی ترک ائدیبدیر !
شهرداریلان اروپایا گئدیبدیر !
بودوره اون بئش میلیون وئریبدیر! 
بیرهفته لیگ توتوبدور بیر مغازا !

تبلیغ ائدیر دووارلاردا اؤزونو 
قازئت لرده یازیب یالان سؤزونو, !
چیخاردیرلار رقیب لری گؤزونو, !
دئیرلر : رای وئرمه یین حقه بازا !

ائشیدمیشم دئییبدیر :آی جماعت !
ایسته ییرم سیزدن ائدیم حمایت 
هی ائدیرم رقیبلن رقابت 
خدمت ائدیم سیزلره تازا تازا !

یالان دئییر هئچ کیمسه دن اوتانمیر !
یالان دئمیر ، دگیرمانی دولانمیر !
قارقیشلانیب آمما نیه اوزانمیر ؟!
موفته خیارلاری سوخور بوغازا !!

دئییرکی :من اوزالدارام بوی لاری !
قیز - اوغلانا چوخالدارام توی لاری !
قورخمایین اصلاح ائدرم سوی لاری !
دوندَرَرَم تولکی ، چاققالی غازا !!


وعده وئریب اؤولاماسین مارالی  !
آنتالیا کیمین  ائتسین شمالی  !
کاش بیزیم تک اودا اولسون صفالی  !
دای آلماسین یوخاریدان اجازا!

#علیرضا-رضائی

turkcetanzler@


حاج اکبر ترَه وئردی

یازار : علیرضارضائی

+0

حاج اکبر ترَه وئردی 

خالغا بال،کره وئردی 

کاندید اولدو،آروادی

ستاد دا اره وئردی



سئل گلیر قالخا-قالخا

یازار : علیرضارضائی

+0

سئل گلیر قالخا-قالخا

دوشوبدور باغا-آرخا

 

گئدیرم اوغورلوغا

یاواشجا،قورخا،قورخا


  • [ 1 ][ 2 ]