چیلله گئجه سی یاغاربولودتک

یازار : علیرضارضائی

+0

چیلله گئجه سی یاغاربولودتک

یوخسول آدامین ائوینده حسرت!

 

وارلی آدامین گؤله ردوداغی

آروادی اولارشبیه شربت!

 

ایسته رالی بوش کی آلماآلسا

آمماائله مَزپولوکفایت

 

قلبی سؤکؤله ر گؤرَنده ناری

سکته گتیرریوخاری قیمت!

 

پسته سؤزونوائشیتسه کاسیب

بیرکاغیذآلیب ائدروصیت!

 

چیلله گئجه سی چکراگرکئف!

وارلی،الی بوش چکرخجالت!

 

پول اولسا گؤزل دی زندگانلیق

پول اولماسا چوخ یامان دی،نکبت!

 

پول اولسا سبُک اولارچتین ایش

سولطان اولارائششک ای جماعت!!

 



بیرنفرقووزادی،ساتدی ترَنی

یازار : علیرضارضائی

+0

بیرنفرقووزادی،ساتدی ترَنی!

بیرنفرده باداوئردی وطنی!

 

بیرنفرپول آپاریرگیزلیندن

بیری دَه یوکله دی ارزی علنی!

 

شیطانین وصفینی چون ائیله دیلر

قونشوموزگلدی داشاباسدی منی!

 

بیرچهارراه داچیخارتدیم وئردیم

گدالارآلمادیلارمین تومنی !!

 

پارکاگئتدین ائله مه پارکی خراب!

اولان ائششک کیمی ازمه چمنی!

 

منه هئچ کس دانیشابیلمزدی

ویردی آمماباهالیق تودهنی!!

 

کفن اوغروسونانفرین ائله مه

آی کیشی سؤیمه،دئمه:پست ودنی،

 

اؤلویه گؤردَه تجاوزائله ییب

آپارارسونراکی اوغروکفنی !!

 

چون ریاست سنه چاتدی حاج آقا

قویمامیزدالیناهریول کسنی!

 

عاشیغام من سنه فرهادکیمین

سئویرم آی پارا جان من دَه سنی!

 

آغریسی قالدی ولی گؤرمه میشم

گؤزوم آلتیندابادمجان اکنی!

 

خوشوماگلدی ولی دانلاییرام

گؤزل اوغلانی گلین تک بزه نی!


یوخسولون بس کی قالین دیردریسی

داهااؤزدن آپاریب کرگدنی!


اوجورکی«رامینه»«عذرا»یاپیشمیر!

یازار : علیرضارضائی

+0

اوجورکی«رامینه»«عذرا»یاپیشمیر!

منه بوبی وفادونیایاپیشمیر!

 

شکایت ائیله دی آرواداریندن:

«اریم هرگزمنه تنهایاپیشمیر»!!

 

دئدی بیرمنشی یولداشیناوئرمیر

منه پول هیزرئیسیم تایاپیشمیر»!!

 

ائدیبدیرصیغه بیرحورینی،زیرا

گؤزوآج مجنونالیلا یاپیشمیر!

 

شراب آلدی گئجه یاریسی زاهد

دئدیساقی!داهاودکایاپیشمیر»!!

 

منی تحویل آلیرهردن گؤرنده

سالاملارهی دئییر بابایاپیشمیر!

 

مجازی دونیایاباتدیم گمی تک!

حقیقی دونیابیررؤیا،یاپیشمیر!

 

دئییردی بیرجاوان آرواداریندن:

«قوجادیر،وارلی دیر،آممایاپیشمیر»!

 

دئدی قزوینلیجنّت دَن یورولدوم!

منه غلمان وئرین،طوبایاپیشمیر»!!

 

دئدی کندلییورولدم آروادیمدان!

اوزون،پنتی «قاراصغرا»یاپیشمیر»!!

 

ائدیب سازش،ساواشدان ال چکیبلر

کچل«حاج اکبره»عیسی یاپیشمیر!!

 

بالیغلاردان بوشالدی،خالی قالدی

بیزه ساحیل،قورودریایاپیشمیر!!

 

اگرچه آروادین شیرین دی،فرهاد!

خیانت ائیله چون سئودایاپیشمیر!!

 

تریلی ایستیرم پول قووزاماغا!

منه نیسان،قودوق مزدایاپیشمیر!

 

یازیق آتلارقالیب حسرت سامانا

قاراائششکلره آرپایاپیشمیر!!


  • [ 1 ]