بیرآروادغرق اولوردو بیردنیزده

یازار : علیرضارضائی

+0

kkk


بیرآروادغرق اولوردو بیردنیزده

دئییردی خالقااینصاف یوخدو سیزده!

 

منه یاردیم ائدن یوخدورآی آلله!

داهاجانیم چیخیر،اولدوم وای آلله»!

 

قلی بئی اوسسی چونکی ائشیتدی

لوت اولدو ایت کیمین دریایاگئتدی!

 

سواؤسته آروادی آلدی قوجاغا

گتیردی ساحیله،سالدی یاتاغا!

 

یئنی دن چونکی آرواد حالاگلدی

قلی بیگه ساریلدی،دالاگلدی!

 

دئدیاینسان سان وچوخ سئوملی سن

منه جان وئردن آی یولداش یئنی دن!

 

قوجاغاآل منی،بوسه،تن ایسته

اوتانما،ایسته بیرشی مندن ایسته»!

 

آلاولاندی قلی بئی،سانکی یاندی!

لوت آرواداباخارکن هی اوتاندی

 

دئدیبیرلطف ائله کل مرزه ساری

بوائششک قویروغون ساخلایوخاری!

 

اوناحساس دیر رانلارلادیزیم!

مزاحم دیرمنه قویروغ عزیزم!


اگرچه یاوه دیربوبیرحکایت

قولاغ وئرپنده ای اهل شجات!


عاغیللی اول،بلاهت درده دیمَز!

عاغیل سیز،هئچ شجاعت درده دیمز!


شجاعت دَن سن ای انسان ِساده!

گؤزل ایشلرده ائیله استفاده!




قوردایمیل گؤندردی بیرگؤن تولکویه

یازار : علیرضارضائی

+0

gg

قوردایمیل گؤندردی بیرگؤن تولکویه:

قیزلاراجنگل د سؤزآتمام داها!

 

مؤمن اولدوم،اوغروچوبان تک سوته

ذرّه جه بازاردا سوقاتمام داها!

 

توبه ائتدیم قحبه چاققاللان اوغول

کرپونون آلتینداتک یاتمام داها!


قوجاقین اوخشور احسان سیز بهشته

یازار : علیرضارضائی

+0

قوجاقین اوخشور احسان سیز بهشته!

منی یول وئر او دربان سیزبهشته!

 

اؤزون هی باغلاما کؤینک،تومانا!

گئدرسن چونکی تومّان سیز بهشته !

 

داوارچی «مشدی ایمان»هی وئریر خرج

کی گئدسین شایدایمان سیز بهشته!

 

چکیر آجلیق قوجا تا حوری آلسین

تا پا جان،گئتدی چون جان سیز بهشته!

 

بهشتین ایچره کنتور یوخدو کئفلن

گلر گاز پولو یورغان سیز بهشته؟!

 

دئدی قزوینلی رضوانهسن آلله!

منی گؤندرمه غلمان سیز بهشته»!

 

جهنّم دیر اگر گلسه عزیزیم

یالانچی،اوغرو،وجدان سیز بهشته!


بوشلاماق

یازار : علیرضارضائی

+0

»مش رمضان» گؤردو باهالیق ا ولوب
یؤخسول اولوب،جیبلاری هئچلن دولوب !
بؤرجلو دوشوبدور؛اینگی جوت دوغوب !

سفره نی آرواد اوشاقی بوشلادی
بال؛کره؛قایماق ییماقی بوشلادی
!

هئچ کیمیله ایش یوخو؛باشدان باشا !
گؤرممیشم بیر کسیله دیرماشا !
اَت که یِیَنمور؛قالیب حسرت آشا

ساغی؛سؤلو؛دال قاباقی بوشلادی !
بال؛کره؛قایماق ییماقی بوشلادی
!

پیس جور آجیقلی اولوب آروادیله !
دشمن اولوبدور هر اورک شادیله !
چیرپیشاجاق آخیری دامادیله !

تختی؛پتونو؛اتاقی بوشلادی !
بال ؛کره؛ قایماق ییماقی بوشلادی
!

بیر چؤلَه چیخمیر؛گِئدَه تا بیر یانا !
بیر کره هر ایلده گئدَر میدانا !
میوه آلار؛هی سایا دانا دانا !

گئت؛گلی؛حتّی قوناقی بوشلادی
بال؛کره؛قایماق ییماقی بوشلادی
!

هَم عَمی نی ؛ هَم دایی نی پیسلییَر
اوانلارا خاطر اؤزونو هی دؤیَر !
هم یادا،هم فامیلینه پیس دییَر


بالدیزینی؛باجناقی بوشلادی !
بال ؛کره ؛ قایماق ییماقی بوشلادی
!

خرجی آغیردی؛بوراخیب بوسه نی
ترک اِئلدی سِئوملی سنبوسه نی !
گؤنده قوجاقلیر یوخودا کوسه نی !

ایستی قوجاقی؛یاناقی بوشلادی !
بال؛کر ؛قایماق ییماقی بوشلادی
!


قارداش قارداشا چاتدی

یازار : علیرضارضائی

+0

قارداش قارداشا چاتدی

اللری داشا چاتدی

 

ده ده مالی اؤستونده

قارداشلیق باشا چاتدی!!


  • [ 1 ]