قوجا اینسان اوللار تعمیر؟یالان دیر

یازار : علیرضارضائی

+0



قوجا اینسان اوللار تعمیر؟یالان دیر

یالان سؤزلردَه وار تاثیر؟ یالان دیر


سنه هرکیمسه وئردی یاغلی وعده

اینانما وعده لر بیر بیر یالان دیر !


قوجاق گؤندرمنه سن

یازار : علیرضارضائی

+0

قیش دیربیراودون،اوجاق گؤندرمنه سن!

بیرایستی اؤپؤش،دوداق گؤندرمنه سن!

 

گازایسته میرم،ایچیمده یالغیزلیغدان

بوزباغلامیشام قوجاق گؤندرمنه سن!


رای آلیب بنده،نماینده ی مجلس اولسام

یازار : علیرضارضائی

+0



رای آلیب بنده،نماینده ی مجلس اولسام
کیشی- آروادلارا بیرروسری، دامن وئره رم!

دئییرم شالوار ی هئچ شهر ده دار تیکمیَه لَر!
شالواری کارخانادا موفته تیکیب؛گئن وئره رم !

ویرالار تاکی یاماق دیزلَرینه ملَّتیمیز !
آیداهربیر نفره اون دانا«سوزن»وئره رم !

باخمایین،ساققالیما چوخ دَلی روشن فکرم !
رای گتیرسَم هاموزا آلتی دانا «زن » وئره رم !

چکه رم تئز ائشیگه یاغلاری انبارلاردان !
گتیریب آی باشی بوش سفره زه«روغن »وئره رم !

کیشی لر، آرتیرارام هر گئجه یارانه نیزی !
«دلار»رین ارزشی یوخدور «یورو »هردن وئره رم !

آی هارای مردم آچین سفره لری چونکی سیزه !
گونده بوندان سورا نفتین پولونو من وئره رم !

«کامران » - «هومنی » قزوینلی لره پایلاشارام !
«نانسی عجرمی » اوغلانلارا فعلن وئره رم !

گولمه یین سؤزلریمه من کی یالانچی دئییلم !
کُره ی ماهدا سوبای اینسانا مسکن وئره رم !


باشادوشوب محمودون اوغلو«شکر»

یازار : علیرضارضائی

+0

باشادوشوب محمودون اوغلو«شکر»

اولسانماینده ی مجلس،قدر،

 

مجلسه گئدسه اولاجاق خان کیشی!

تئزتاپاجاق دردلره درمان کیشی!

 

یاتمایاجاق مجلس شوراداهئچ!

باتمایاجاق ثروت دونیاداهئچ!

 

کعبه ی آمال اولاجاق دفتری!

منشی ائدریامچی «مشه صفدری»!

 

هی گئده جک تویلارا،مجلس لره!

چپ باخاجاق اوغرومهندس لره!

 

یاتماسا،زنجیره چکرشهوتی!

یاردیم ائدرعصمت ایلن دولتی!


تعظیم ائدردایم اونااهل کند!

اولمایاجاق ماشینی شاسی بلند!

 

نفت،هونگ،دسته نی صادرائدر!

پسته ی لب بسته نی صادرائدر!

 

سوچکه جَک لاپ قوروموش کدلره!

هی وئرَرامّیدمجرّدلره!

 

تئز آلاجاق قلوه،دالاق،اتلری!

اوغروپیشیک دن یوموشاق اتلری!


تشویق ائدردرسه ما تان قیزلاری

دوکتورائدریاپمایاپان قیزلاری!


یورغانین آلتیندادئیراوغرودان

جامعه نی پاک سیلراوغرودان


شیرایله خرسی توتاجاق بیشه دَن

یاندیراجاق اختلاسی ریشه دَن


قیللی ائدرکاروکل اوغلانلاری

ائیله رآیاغلی گؤدَه تومانلاری


دشمن اندیشه نی معدوم ائدر

تیریاک ایلن شیشه نی معدوم ائدر


رای گتیرسه گؤیَرَرباغلاریز

سرقته گئتمَزپاراباشماغلاریز


مؤمن آدام دیرچکینررشوه دَن

گؤزلری قورخاراؤپؤش وعشوه دَن


چاتسابوانسان ِ قدر،قدرته

داغی باغیشلارقوجا«مش قدرته»


چاتدیراجاق لیلی ده مجنونا!

رای وئرای آدم عاقل بونا!

 

شک ائله مه گوج ووراجاق بَرک وسخت!

بیرگؤن ائدرکندیمیزی پایتخت!


هریانی دولدوردو درد و غم،طلاق

یازار : علیرضارضائی

+0



هریانی دولدوردو درد وغم،طلاق

باب اولوب هریئرده بیش وکم طلاق

 

بوسؤزون هئچ عیبی یوخدورقارداشیم

آرواد آلماق یاخشی ایش دیرهم طلاق

 

بیلمه دیم معناسینی سیزسؤیله یین

بال کیمین دیر؟یا آجی بیر سم طلاق؟

 

دونیادااوّل چیخیب ایرانیمیز

بس کی ایرانلی آلیرهردم طلاق

 

گویچک آروادبیراوجاسسله دؤنن

سؤیله ییردی کوچه ده محکم:«طلاق»

 

دادگاهدایدی بوگون افراسیا ب 

وئردی اؤز آرواد ینارستم طلاق!

 

دفتری آچدی منه ملا د ئدی:

«ثبت اولوبدوربوردابیرعالم طلاق»!

 

چون طلاق آلماق بیرآز آسان اولوب

یاشلی آروادلار آلیرنم نم طلاق!

 

هم دده،هم قیز،هم اوغلو،هم دایی 

هامّوسی آلدی دؤنن باهم طلاق!


  • [ 1 ]