اوره گیم یاندی بو گون سفره ده ای اَت سن سیز

یازار : علیرضارضائی

+0

اوره گیم یاندی بو گون سفره ده ای اَت سن سیز!
گل قاییت سفره یه چون قالمادی طاقت سن سیز!


بؤیوگ اوغروبالاجا اوغرویا یازدی:یؤلداش
ایله دیم هامّی وطنداش لاری غارت سن سیز !


گرچه آلله دئیل سَن بیزه ای پول؛آمما
ائله مز بیر نفر آللاهَاعبادت سن سیز!

ای تویوق توتما یوزون چون کی آجیندان اؤلاجاق
بودوکانچی،گؤزوآج،اوغروجماعت سن سیز!


هاردا سان؟من سنی چوخدان گَزیرم ای وجدان!
اولدوبوجامعه میز گؤرنَه کثافت سن سیز!


یورغان آلتیندا دئدی بیر کولی آرواداَرینه:
«گئجه گؤندوز گزیرم هر یئری راحت سن سیز»!


لطفون اؤلسون بیزه؛ترک ائتمه بیزی«یارانه »
دلی -دیوانه اولار چون کی بو ملت سن سیز!!


غارت ائله سین ملت ایرانی توخ اولماز

یازار : علیرضارضائی

+0

غارت ائله سین ملت ایرانی توخ اولماز!

آزغین،گؤزوآج بابک زنجانی توخ اولماز!

 

داغ باشینابیردن آپار«تولکوغضنفر»

ائششک ائله سین«مشهدی قربانی» توخ اولماز!

 

زاهدکی دؤنن دانلادی انسان ِ حریصی

قارینی توخ اولار بللی دی کی جانی توخ اولماز!

 

بااینکه توتوب ایدزولی وارلی نین اوغلو

ازبس آپاریب لذت شهوانی توخ اولماز!

 

گرچه یئدی اموالیمیزی اوغروزمین خوار!

دویماز،وئرَسن ثروت دونیانی توخ اولماز!

 

گراؤزوئرَسن اؤزلوآدام هرگئجه گؤندوز

اؤزدن آپاراردلبرجانی توخ اولماز!

 

هی گئتمه تلگرامادلی کؤنلون آقارداش!

هی اد ائله سین «غنچه»نی،«ریحانی»توخ اولماز!

 

سعدینی آتیب،حافظی تعریف ائله مزهئچ!

هرکیم اوخوساشعر«کل اوغلانی» توخ اولماز!!

 

هرچندایچیب تویداعرق،باده«کل اوغلان»

بیرکؤهنه تولوغدان ایچه آیرانی توخ اولماز!


تهراناگئتمه هواآلوده دیر

یازار : علیرضارضائی

+0


تهراناگئتمه هواآلوده دیر

هریاناباخسان قارانلیق،دوده دیر!

 

یوخسول آجدیربیرعددتومانی یوخ!

توخ آدام راحت یاتیب،آسوده دیر!

 

وارلییلاسوددریاسینداخوش کئچیر

آج آدامین وارلیغی بیهوده دیر!

 

دؤزآدامین سؤزلری حنظل کیمین!

اوغرولارین سؤزلری فالوده دیر!

 

اوغرونون هربیرجیبینده میلیارد

بینوانین کله سینده توده دیر!

 

قالساتهرانداهرانسان معده سی،

آغ جیگر،عقلی،گؤزوفرسوده دیر!

 

تهرانین هرشاهراهی،هریولو

بیراوزون،آلوده،فاسدروده دیر!

 

وارلی تهرانی بوراخمازچونکی او

غرق پول وارزش افزوده دیر!

 

خلق دَه انصاف یوخ،تبعیض چوخ!

تهرانین بنیانی بوشالوده دیر!

 

تهراناقویماآیاق زیراکثیف!

یول کسن لر شهری اومحدوده دیر!


ائیله ییردی کوچه دَن بیرصف عبور

یازار : علیرضارضائی

+0

ائیله ییردی کوچه دَن بیرصف عبور

اللراؤستونده اؤلو،اهل قبور!

 

گئتدی اونلاردان سوروشدوبیرکیشی:

«ارکک ایدی بواؤلو یاکی دیشی؟

 

بواؤلوبیرکاسب بازارایدی؟

یاکی چوخ محبوب وورزشکارایدی»؟!

 

دی ندَن تشییعینه بی فاصله

خلق وجمعیت گلیبدیر بیربئله

 

صف ده کی اینسان دئدیای عقلی آز!

بواؤلوآروادایدی،شادان وناز!

 

اؤلدوروبدورآروادی بوآلچاق ایت!

 گینسه یازدی آدین بوقالتاق ایت»!

 

سؤیله دیقارداش اولوم قوربان سنه

قرض وئرسن بوایتی بیرگون منه»!

 

اوکیشی گؤلدودئدی سونرابوجور:

«قارداشیم ایت ایسته سن گئت صف ده دور»!!

 

چون صفه گیردین مواظب اؤل اخی!

هی چالیشمابیربیره وورماصفی!

 

سن دوغوبسان صف مین یول قارداشیم!

آغلاماصف ده دئمه سیندی باشیم!

 

صف گؤزل دیرگیرصفه بیزلرکیمین!

قورخماصف دن تورشامیش قیزلرکیمین!

 

وئردی موفته نعمتی قیرمیزلره!

صف یاراتدی حق تعالی بیزلره!

 

صف نه دیر؟:لذت آپارماق دم به دم!

بربری آلماق یاواشجا،خم به خم!

 

قیش ده،یایدا،صف دَه دورچک زجرینی!

آل برادر!مین برابراجرینی!

 

من دئدیم کی می شودخیلی قوی!

یاوه اولدوعاقبت بومثنوی!!


  • [ 1 ]